- ટીવી એક્ટ્રેસ હિના ખાને સોશિયલ મીડિયા પર તેના ફેન્સને એક સરપ્રાઈઝ આપી છે
- કેન્સરથી પીડિત હિનાએ પોતાને એક એવી ગિફ્ટ આપી છે
- આ વીડિયોમાં હિના ખાનના ફેસ પર ખુશી જોવા મળે છે
હાલમાં ટીવી ઈન્ડસ્ટ્રીની જાણીતી એક્ટ્રેસ હિના ખાન તેની બિમારી બ્રેસ્ટ કેન્સરને કારણે ચર્ચામાં રહે છે. એક્ટ્રેસ સોશિયલ મીડિયા પર પોતાની બીમારીને લગતી દરેક અપડેટ આપતી રહે છે, જેથી ફેન્સ તેના સ્વાસ્થ્ય વિશે જાગૃત રહે. હાલમાં હિના ખાને તેના ઈન્સ્ટાગ્રામ પર એક વીડિયો શેર કર્યો છે, જેમાં એક્ટ્રેસે પોતાને હાથથી બનાવેલી વસ્તુ ભેટમાં આપી છે. આ ગિફ્ટ જોઈને ફેન્સને એક સુંદર સરપ્રાઈઝ મળ્યું છે જેનાથી તેઓ ખુશ થઈ ગયા છે.
મને મારા નિર્ણય પર ગર્વ છે: હિના ખાન
યે રિશ્તા ક્યા કહેલાતા હૈ ફેમ હિના ખાને સોશિયલ મીડિયા પર એક વીડિયો પોસ્ટ કર્યો છે જેમાં એક્ટ્રેસે પોતાને પોતાના વાળમાંથી બનાવેલી વિગ ભેટમાં આપી છે. એક્ટ્રેસે પોસ્ટ કરીને લખ્યું કે મને જે ક્ષણે ખબર પડી કે મારા વાળ ખરી જશે, મેં મારી ઈચ્છા મુજબ તેને કાપવાનું નક્કી કર્યું. જ્યારે મારા વાળ હજુ પણ સ્વસ્થ, લાંબા અને ગતિશીલ હતા. મેં મારા પોતાના વાળમાંથી વિગ બનાવવાનું નક્કી કર્યું જે આ મુશ્કેલ સમયમાં મને આરામ આપે. અને મારે કહેવું જ જોઈએ કે તે એક સારો નિર્ણય હતો અને જેનો મને ખૂબ ગર્વ છે.
હિના ખાનના ફેસ પર જોવા મળી ખુશી
હિના આગળ કહે છે કે તમે જાણો છો, જ્યારે હું તેને પહેરું છું, ત્યારે એવું લાગે છે કે જાણે હું મારા ખોવાયેલા વાળ સાથે ફરી જોડાઈ ગઈ છું. તે સારું લાગે છે, તે આરામદાયક લાગે છે અને તે ઘર જેવું લાગે છે. આ સાથે ફેન્સ અને ઘણા ટીવી સેલેબ્સ એક્ટ્રેસના લુકને જોઈને ખૂબ જ ખુશ છે અને તેના સ્વસ્થ થવા માટે પ્રાર્થના કરી રહ્યા છે.