રણજી પ્લેયર કેટલી કરે છે કમાણી? એક મેચના મળે છે આટલા રૂપિયા!

રણજી ટ્રોફી એ ભારતની સૌથી મોટી સ્થાનિક ટુર્નામેન્ટ છે. રણજી ટ્રોફીની પ્રથમ સિઝન 1934-35માં રમાઈ હતી. પરંતુ શું તમે જાણો છો કે રણજી ટ્રોફીમાં રમી રહેલા ખેલાડીઓનો પગાર કેટલો છે? આ ટુર્નામેન્ટમાંથી ખેલાડીઓ કેટલી કમાણી કરે છે? જો કે આજે અમે તમને જણાવીશું કે રણજી ટ્રોફીમાં રમતા ક્રિકેટરો કેટલી કમાણી કરે છે? આ ખેલાડીઓને મેચ દીઠ કેટલા પૈસા મળે છે?

IPL કરતા તદ્દન અલગ છે પગારનું માળખું

વાસ્તવમાં એવું કહેવાય છે કે મોટા ખેલાડીઓ રણજી ટ્રોફીમાં ન રમવાનું મુખ્ય કારણ પગાર છે. IPLમાં ખેલાડીઓને કરોડો રૂપિયા મળે છે. પરંતુ તમને જાણીને નવાઈ લાગશે કે રણજી ટ્રોફીમાં પગારનું માળખું IPL કરતા તદ્દન અલગ છે. રણજી ટ્રોફીમાં ખેલાડીઓને દરરોજના ધોરણે પગાર મળે છે. 40 થી વધુ મેચનો અનુભવ ધરાવતા ખેલાડીઓને દરરોજ 60 હજાર રૂપિયા મળે છે. પરંતુ 20 થી 40 મેચ રમનારને 50 હજાર રૂપિયા મળે છે. જ્યારે 20થી ઓછી મેચ રમનારાઓને રોજના 40 હજાર રૂપિયા મળે છે.

બેન્ચ ખેલાડીઓને મળે છે આટલો પગાર

બેન્ચ પર બેઠેલા ખેલાડીઓને કેટલા પૈસા મળે છે? વાસ્તવમાં રણજી ટ્રોફીમાં બેંચ પર બેઠેલા ખેલાડીઓને આ રકમનો અડધો ભાગ મળે છે. તમને જણાવી દઈએ કે રણજી ટ્રોફીના ગ્રુપ રાઉન્ડની મેચો ચાર દિવસ સુધી ચાલે છે જ્યારે નોક આઉટ પાંચ દિવસ સુધી ચાલે છે. રણજી ટ્રોફીના ગ્રુપ રાઉન્ડમાં લગભગ 7 મેચો છે, જેમાં ત્રણ નોકઆઉટ મેચ છે.

આ રીતે જો કોઈ ખેલાડી રણજી ટ્રોફીમાં તમામ મેચ રમે છે તો તેની પાસે કુલ 10 મેચ અને કુલ 43 દિવસ હશે. આ ઉપરાંત જો કોઈ ખેલાડી તમામ મેચ રમીને રણજી ટ્રોફી જીતે છે તો તેને અંદાજે 25 લાખ રૂપિયા પગાર મળે છે. જો ટીમ નોકઆઉટમાં સ્થાન મેળવી શકતી નથી, તો ખેલાડી લગભગ 17 લાખ રૂપિયાની કમાણી કરી શકશે.