ICC મેન્સ ઓડીઆઈ ક્રિકેટર ઓફ ધ યર 2024ની જાહેરાત કરવામાં આવી છે. જેમાં અફઘાનિસ્તાનનો યુવા ખેલાડી ટીમ ઈન્ડિયાના વિરાટ કોહલી અને રોહિત શર્મા જેવા મહાન બેટ્સમેનોને પછાડતો જોવા મળ્યો હતો. 24 વર્ષીય અઝમતુલ્લા ઓમરઝાઈને ICC મેન્સ ઓડીઆઈ ક્રિકેટર ઓફ ધ યર 2024 માટે પસંદ કરવામાં આવ્યો છે. વર્ષ 2023-24માં અઝમતુલ્લાનું પ્રદર્શન ઘણું શાનદાર રહ્યું હતું.
ગયા વર્ષે સૌથી વધુ રન બનાવનાર બીજા અફઘાન બેટ્સમેન
જો કે અઝમતુલ્લા ઉમરઝાઈએ T20 ક્રિકેટમાં શાનદાર પ્રદર્શન કર્યું હતું, પરંતુ ODI ક્રિકેટમાં પણ તેણે ખૂબ પ્રભાવ પાડ્યો હતો. વર્ષ 2024 માં, અઝમતુલ્લા ઓમરઝાઈ અફઘાનિસ્તાન માટે બીજા સૌથી વધુ રન બનાવનાર ખેલાડી હતા. આ સિવાય બોલિંગમાં પણ તેની શ્રેષ્ઠતા જોવા મળી હતી. અઝમતુલ્લા ઉમરઝાઈએ 14 ODI મેચોમાં બેટિંગ દરમિયાન 417 રન બનાવ્યા અને બોલિંગ દરમિયાન 17 વિકેટ લીધી.
અફઘાનિસ્તાને 4 વન-ડે શ્રેણી જીતી
વર્ષ 2024માં અફઘાનિસ્તાને પાંચ વનડે શ્રેણી રમી હતી, જેમાંથી ટીમે ચાર શ્રેણી જીતી હતી. અફઘાનિસ્તાને આયર્લેન્ડ, દક્ષિણ આફ્રિકા, બાંગ્લાદેશ અને ઝિમ્બાબ્વે જેવી ટીમોને વનડે શ્રેણીમાં હરાવ્યું હતું. શ્રીલંકા સામે અઝમતુલ્લા ઓમરઝાઈનું શાનદાર પ્રદર્શન જોવા મળ્યું હતું, જ્યાં તેણે બેટિંગ કરતા 149 રનની અણનમ ઇનિંગ રમી હતી. આ સિવાય અઝમતુલ્લાએ દક્ષિણ આફ્રિકા સામે 86 રનની અણનમ ઇનિંગ રમી હતી.
ઓમરઝાઈનું યાદગાર પ્રદર્શન
ગયા વર્ષે બાંગ્લાદેશ સામેની વનડે મેચમાં ઉમરઝાઈનું યાદગાર પ્રદર્શન જોવા મળ્યું હતું. આ મેચમાં બેટિંગ કરતા ઉમરઝાઈએ 77 બોલમાં 70 રનની અણનમ ઈનિંગ રમીને ટીમને જીત અપાવી હતી. આ સિવાય બોલિંગ દરમિયાન તેણે 37 રનમાં 4 વિકેટ ઝડપી હતી.
Source link
