સરકાર VI કંપનીના AGR બાકી લેણાંમાં મોટો ઘટાડો કરી શકે છે, આ અહેવાલ બાદ શેરમાં શાનદાર તેજી
ટેલિકોમ કંપની વોડાફોન આઈડિયા માટે એક રાહતના સમાચાર સામે આવી રહ્યા છે. કેન્દ્ર સરકાર વીઆઈ કંપનીના AGR બાકી લેણાં લગભગ ₹83,400 કરોડથી ઘટીને માત્ર ₹28,000 કરોડ કરી શકે છે તેમ એક રિપોર્ટના અહેવાલમાં જાણવા મળ્યું છે. ત્યારે આ સ્થિતિ વચ્ચે વોડાફોન આઈડિયાના શેરમાં શુક્રવારે શાનદાર તેજી જોવા મળી છે.
PMOએ આ અંગે ટેલિકોમ્યુનિકેશન વિભાગના નવીનતમ પ્રસ્તાવની સમીક્ષા કરી
મીડિયા રિપોર્ટ્સ પ્રમાણે કેન્દ્ર સરકાર AGR (એડજસ્ટેડ ગ્રોસ રેવન્યુ) લેણાંમાં ઘટાડો કરી શકે છે. પ્રધાનમંત્રી કાર્યાલય (PMO) એ આ અંગે ટેલિકોમ્યુનિકેશન વિભાગ (DoT) ના નવીનતમ પ્રસ્તાવની સમીક્ષા કરી છે.
આજે વીઆઈનો શેર રૂ. 7.31 પહોંચ્યો
આજે શુક્રવારે વોડાફોન આઈડિયાનો શેર રૂ. 6.70ના ભાવે ઓપન થયો હતો. જ્યારે વીઆઈનો શેર રૂ. 7.31 પહોંચ્યો હતો. એટલેકે 8 ટકાથી વધુનો ઉછાળો જોવા મળ્યો છે. હાલ વીઆઈનો શેર રૂ. 7.12 ટ્રેડ કરી રહ્યો છે.
AGR બાકી લેણાં ₹83,400 કરોડથી ઘટી ₹28,000 કરોડ થઈ શકે છે
એક રિપોર્ટ પ્રમાણે વોડાફોન આઈડિયા (Vi) કંપનીના AGR બાકી લેણાં લગભગ ₹83,400 કરોડથી ઘટીને માત્ર ₹28,000 કરોડ થઈ શકે છે. સરકારે વીઆઈના કેટલાક બાકી લેણાંને ઇક્વિટીમાં રૂપાંતરિત કરી દીધા છે, જેનાથી સરકાર સૌથી મોટી શેરહોલ્ડર બની ગઈ છે. બીજી તરફ ભારતી એરટેલ કંપનીના AGR બાકી લેણાં લગભગ ₹42,000 કરોડથી ઘટીને ₹10,000 કરોડ થઈ શકે છે.
