દિગ્ગજ લેખક સલીમ ખાનની પત્ની અને બોલીવુડ સ્ટાર સલમાન ખાનની માતા સલમા ખાને તાજેતરમાં જ મુંબઈમાં તેના પરિવાર અને મિત્રો સાથે જન્મદિવસની ઉજવણી કરી હતી. મુંબઈમાં અર્પિતા ખાનની નવી લોન્ચ થયેલી રેસ્ટોરન્ટમાં યોજાયેલી બર્થડે પાર્ટી ખરેખર ખૂબ જ મજેદાર હતી. પાર્ટીની ઘણી તસવીરો ઓનલાઈન સામે આવી હતી, જેમાં સલમા ખાન બાળકો સાથે ખાસ અવસર પર મસ્તી કરતી જોવા મળી.
સલમાન ખાને તેની માતાને જન્મદિવસની શુભેચ્છા પાઠવી
સલમાન ખાને એક વીડિયો શેર કર્યો છે જેમાં સોહેલ તેની માતા સાથે ડાન્સ કરતો જોવા મળી રહ્યો છે. આ સુંદર વીડિયો શેર કરતી વખતે સલમાને કેપ્શનમાં લખ્યું હતું કે, “મમ્મી હેપ્પી બર્થડે… મધર ઈન્ડિયા, અવર વર્લ્ડ” આ પહેલા સોહેલે ઈન્સ્ટાગ્રામ પર કેટલાક વીડિયો અપલોડ કર્યા હતા, જેમાં તે તેની માતા સાથે ડાન્સ કરતો જોવા મળ્યો હતો . તેણે પોસ્ટને કેપ્શન આપ્યું, “હેપ્પી બર્થડે મધર ઈન્ડિયા.
આ વીડિયોમાં તેની માતા સલમા તેના નાના પુત્ર સોહેલ ખાન સાથે ડાન્સ કરતી જોવા મળે છે. સલમાનની આ પોસ્ટ પર કોમેન્ટ કરીને તેના ફેન્સ અને ફિલ્મ જગતની અનેક હસ્તીઓએ સલમા ખાનને જન્મદિવસની શુભેચ્છા પાઠવી હતી.
આ ફિલ્મમાં જોવા મળશે સલમાન ખાન
સલમાન ખાન ટૂંક સમયમાં ફિલ્મ સિકંદરમાં જોવા મળશે. આ ફિલ્મમાં ‘પુષ્પા’ના શ્રીવલ્લી એટલે કે રશ્મિકા મંદાના લીડ રોલમાં હશે. આ ફિલ્મનું નિર્દેશન એ.આર. મુરુગાદોસ કરી રહ્યા છે અને સાજિદ નડિયાદવાલાના બેનર હેઠળ બની રહી છે. આ ફિલ્મ 2025માં ઈદના અવસર પર થિયેટરોમાં રિલીઝ થશે.
