14 જાન્યુઆરી એટલે ઉત્તરાયણના દિવસે મોટાભાગના ઘરમાં એક ખાસ પ્રકારની વાનગી બનાવવામાં આવે છે. જેને ખીચડો તરીકે ઓળખવામાં આવે છે. ખીચડો બનાવવા માટે સાત પ્રકારના ધાનની જરુર પડે છે.
ખીચડો બનાવવા માટે ઘઉં, જુવાર, બાજરી, તુવેર દાળ, ઝીણા ચોખા, ફોતરાવાળી દાળ, ચણાની દાળ,ઘી, જીરું, ટામેટા, વટાણા, તુવેર, લીલા ચણા, હીંગ, સુકા લાલ મરચાં, તજ-લવિંગ, લીમડાના પાન, લાલ મરચું પાવડર, હળદર પાવડર, કોથમીર, ધાણાજીરું સહિતની વસ્તુઓની જરુર પડશે.
ખીચડો બનાવવા માટે સૌથી પહેલા સાત ધાનને સાફ કરીને સ્વચ્છ પાણીથી ધોઈ લો. ત્યારબાદ તેને ચોખ્ખા પાણીમાં રાત્રે પલાળી દો. બીજા દિવસે પલાળેલા ઘઉં, જુવાર અને બાજરીને ખીચડા માટે ઉપયોગમાં લેવા જોઈએ. જો તમે અલગ અલગ ધાન પલાળ્યા હોય તો તેમાંથી પાણી કાઢી બધા ધાનને એક વાસણમાં મિક્સ કરો.
કુકરમાં સાત ધાન કરતા વધારે પાણી મુકી તેને ઉકળવા દો. પાણી ઉકળી જાય ત્યારે તેમાં 7 ધાન અને વટાણા, તુવેર અને લીલા ચણા ઉમેરો. આ સાથે જ સ્વાદ અનુસાર મીઠું અને ઘી ઉમેરી બાફી લો. હવે એક પેનમાં ઘી ગરમ કરવા મુકો. તેમાં રાઈ, જીરું અને હીંગનો વઘાર કરો.
ત્યારબાદ તેમાં સુકા લાલ મરચાં, તજ, લવિંગ ઉમેરી તેમાં મીઠા લીમડાના પાન અને કાપેલા ટામેટા ઉમેરો.ટામેટા પાકી જાય ત્યારબાદ તેમાં મીઠું, હળદર, લાલમરચું સહિતની વસ્તુઓ ઉમેરો.હવે બાફેલા સાત ધાનમાં વઘાર ઉમેરી બરાબર મિક્સ કરી લો. તમે આ ખીચડો દહીં સાથે ખાઈ શકો છો.
Tv9 ગુજરાતી પર હેલ્ધી, ટેસ્ટી અને યુનિક વાનગીઓ બનાવવાની સરળ ટીપ્સ નિયમિત પ્રકાશિત કરવામાં આવે છે. તો વધુ રેસિપિની સ્ટોરી વાંચી તમે ઘરે જ વાનગીઓ બનાવી શકો છો.
Source link
