- સીએમ મમતા બેનર્જી સામે ગંભીર આક્ષેપ
- “મુખ્યમંત્રી પરિસ્થિતિને સંભાળવામાં નિષ્ફળ રહ્યા”
- ગુનેગારો સામે કાર્યવાહી કરવામાં નિષ્ફળ
16 ડિસેમ્બર 2012ના રોજ દિલ્હીમાં થયેલા નિર્ભયા રેપ કેસે સમગ્ર દેશને હચમચાવી નાખ્યો હતો. દેશમાં દરેક જગ્યાએ લોકો રસ્તા પર ઉતરી આવ્યા હતા. ભારતમાં ફરી એકવાર આવી જ સ્થિતિ સર્જાઈ છે, દિલ્હીની જેમ નિર્ભયા કેસ કોલકાતામાં પણ બન્યો છે.
પશ્ચિમ બંગાળના સીએમ મમતા બેનર્જી સામે પ્રહાર
ઘણા લોકો આ મામલે મમતા સરકારને ઘેરતા જોવા મળી રહ્યા છે.નિર્ભયાની માતા આશા દેવીએ પશ્ચિમ બંગાળના સીએમ મમતા બેનર્જી ઘેર્યા છે. તેમણે મમતાના રાજીનામાની માંગ કરી છે અને દાવો કર્યો છે કે મુખ્યમંત્રી પરિસ્થિતિને સંભાળવામાં નિષ્ફળ રહ્યા છે.
આશા દેવીએ મીડિયા સાથે કરી વાત
મીડિયા સાથે વાત કરતા, આશા દેવીએ કહ્યું કે “એક મહિલા તરીકે, તેમણે રાજ્યના વડા તરીકેની પોતાની જવાબદારી નિભાવતી વખતે ગુનેગારો સામે કાર્યવાહી કરવી જોઈતી હતી. પરિસ્થિતિને સંભાળવામાં નિષ્ફળ રહેવા બદલ તેમણે રાજીનામું આપવું જોઈએ.
“જનતાને ગેરમાર્ગે દોરવામાં આવી રહી છે”
નિર્ભયા અને ટ્રેઇની ડોક્ટરના આ કેસમાં ઘણી સામ્યતાઓ કહેવામાં આવી રહી છે. દીકરી ગુમાવવાનું દુઃખ સહન કરી રહેલી આશા દેવીએ હવે આ મામલે પ્રતિક્રિયા આપી છે. આ દરમિયાન તેમણે તૃણમૂલ કોંગ્રેસના સુપ્રિમો અને તેમની પાર્ટીના નેતાઓ દ્વારા ‘ન્યાય’ની માંગણી કરતી વિરોધ માર્ચનો ઉલ્લેખ કર્યો.
આશા દેવીએ મમતા બેનર્જી પર કર્યા આક્ષેપ
આશા દેવીએ કહ્યું કે, “ગુનેગારો સામે કાર્યવાહી કરવા માટે પોતાની સત્તાનો ઉપયોગ કરવાને બદલે, મમતા બેનર્જી લોકોનું ધ્યાન આ મુદ્દા પરથી હટાવવા માટે વિરોધ કરી રહી છે.” આશા દેવીએ વધુમાં કહ્યું હતું કે “જ્યાં સુધી કેન્દ્ર અને રાજ્ય સરકાર બંને બળાત્કારીઓને કોર્ટમાંથી તાત્કાલિક સજા કરવા માટે ગંભીર નહીં બને ત્યાં સુધી આવી ઘટનાઓ બનતી રહેશે.”
નિર્ભયા કેસ શું હતો?
16 ડિસેમ્બર 2012ની રાત્રે નિર્ભયા તેના મિત્ર સાથે બસમાં બેઠી હતી જ્યાં તેના પર સામૂહિક બળાત્કાર થયો હતો. આ ઘટનાના દેશવ્યાપી વિરોધ વચ્ચે, નિર્ભયાને સારવાર માટે સિંગાપોર લઈ જવામાં આવી હતી, જ્યાં 29 ડિસેમ્બરે તેણીનું હોસ્પિટલમાં મૃત્યુ થયું હતું. આ કેસમાં દરેકની ધરપકડ કરવામાં આવી હતી અને સજા કરવામાં આવી હતી. છ દોષિતોમાંથી, એક સપ્ટેમ્બર 2013 માં દિલ્હીની તિહાર જેલમાં તેની સેલમાં લટકતો જોવા મળ્યો હતો, જ્યારે એક, જે ગુના સમયે સગીર હતો, તેને ત્રણ વર્ષ સુધાર ગૃહમાં વિતાવ્યા પછી ડિસેમ્બર 2015 માં મુક્ત કરવામાં આવ્યો હતો. અન્ય ચાર દોષિતોને માર્ચ 2020માં ફાંસી આપવામાં આવી હતી.
Source link
