કોંગ્રેસે ગુરુવારે મહારાષ્ટ્ર વિધાનસભા ચૂંટણી માટે ઉમેદવારોની પ્રથમ યાદી જાહેર કરી છે. પ્રથમ યાદીમાં 48 ઉમેદવારોના નામ જાહેર કરવામાં આવ્યા છે. મહારાષ્ટ્ર વિધાનસભા ચૂંટણી માટે કોંગ્રેસના 48 ઉમેદવારોની પ્રથમ યાદી જાહેર કરવામાં આવી છે.
પૂર્વ મુખ્યમંત્રી વિલાસરાવ દેશમુખના પુત્ર ધીરજ દેશમુખને લાતુર ગ્રામીણ અને અમિત દેશમુખને લાતુર શહેરથી ઉમેદવાર બનાવવામાં આવ્યા છે. બાળાસાહેબ થોરાટના પુત્ર વિજય થોરાટને સંગમનેરથી ઉમેદવાર બનાવવામાં આવ્યા છે. પૂર્વ મંત્રી અસલમ શેખને મલાડ પશ્ચિમથી ઉમેદવાર બનાવવામાં આવ્યા છે. તમને જણાવી દઈએ કે ચૂંટણી પંચે રાજ્યની 288 વિધાનસભા સીટો માટે 20 નવેમ્બરે ચૂંટણી કરાવવાની જાહેરાત કરી છે.
મહા વિકાસ આઘાડીના સહયોગી શિવસેના (ઉદ્ધવ ઠાકરે) અને NCP (શરદ પવાર)એ ઉમેદવારોની પ્રથમ યાદી જાહેર કરી દીધી છે. જો કે, મહા વિકાસ અઘાડીના પક્ષો વચ્ચે કેટલીક બેઠકોને લઈને હજુ પણ અણબનાવ ચાલુ છે.
48 ઉમેદવારોની પ્રથમ યાદી
NCP શરદ પવાર જૂથે મહારાષ્ટ્ર ચૂંટણી માટે ઉમેદવારોની પ્રથમ યાદી જાહેર કરી છે. આ યાદીમાં 45 નામ છે. શરદ પવારે તેમના ભત્રીજા અજિત પવાર સામે બારામતીથી ઉમેદવારનું નામ પણ જાહેર કર્યું છે. ખાસ વાત એ છે કે શરદ પવારે અહીંથી તેમના પૌત્ર યુગેન્દ્ર પવારને ટિકિટ આપી છે.
મહારાષ્ટ્ર NCP પ્રમુખ જયંત પાટીલે પ્રેસ કોન્ફરન્સમાં ઉમેદવારોની યાદી જાહેર કરી. જેમાં બારામતી સીટ પરથી યુગેન્દ્ર પવાર ઉપરાંત ઈસ્લામપુરથી જયંત પાટીલ અને કાટોલથી અનિલ દેશમુખને ટિકિટ આપવામાં આવી છે.
