ભૂતપૂર્વ ભારતીય વિકેટકીપર-બેટ્સમેન દિનેશ કાર્તિકે શુક્રવારે કહ્યું હતું કે IPL એ ભારતીય ક્રિકેટનું સ્તર એટલું ઊંચું કર્યું છે કે હવે ભારત એક જ સમયે બે થી ત્રણ રાષ્ટ્રીય ટીમોને મેદાનમાં ઉતારી શકે છે.
રોયલ ચેલેન્જર્સ બેંગ્લોરના ક્રિકેટ ડિરેક્ટર મો બોબાટ અને ઇંગ્લેન્ડની ભૂતપૂર્વ ક્રિકેટર ઇશા ગુહા સાથેની વાતચીતમાં, કાર્તિકે ભારતીય ક્રિકેટની માનસિકતા બદલવા અને માળખાગત સુવિધાઓને મજબૂત બનાવવામાં IPLની ભૂમિકાની પ્રશંસા કરી.
કાર્તિકે કહ્યું, “IPL એ આપણા બધા ખેલાડીઓમાં જીતવાની માનસિકતા કેળવી છે. પૈસા અને આર્થિક લાભો દ્વારા પણ માળખાગત સુવિધા મજબૂત બની છે અને જ્યારે માળખાગત સુવિધા મજબૂત હશે, ત્યારે રમતનું સ્તર સુધરશે જ.
તેમણે કહ્યું, “આપણે કહી શકીએ છીએ કે IPLના આગમન પછી, ભારત હવે આંતરરાષ્ટ્રીય ક્રિકેટમાં એક જ સમયે બે થી ત્રણ ટીમો મેદાનમાં ઉતારી શકે છે. ભારત પાસે પ્રતિભાશાળી ક્રિકેટરોનો ભંડાર છે.
તેણે કહ્યું, “હું IPLમાં મારા પહેલા વર્ષમાં ગ્લેન મેકગ્રા સાથે રમ્યો હતો અને તેની સાથે પ્રેક્ટિસ કરવાથી મને શ્રેષ્ઠ ખેલાડીઓ સાથે સ્પર્ધા કરવાનો આત્મવિશ્વાસ અને માનસિકતા મળી.
