Star Kids Net Worth : આર્યન ખાન સ્ટારકિડ્સમાં સૌથી અમીર, જાણો અનન્યા-જાહ્નવી અને સારાની કેટલી છે નેટવર્થ
શાહરૂખ ખાનના પુત્ર આર્યન ખાને ‘બેડ્સ ઑફ બોલિવૂડ’ સાથે ડિરેક્ટર તરીકે પોતાની કારકિર્દીની શરૂઆત કરી છે. આ વેબ સીરિઝ 18 સપ્ટેમ્બરે ઓટીટી પર રિલીઝ થઈ છે અને તેના ડિરેક્શનની ખૂબ પ્રશંસા થઈ રહી છે. આર્યન માત્ર સૌથી લોકપ્રિય સ્ટાર કિડ જ નથી પણ સૌથી ધનિક પણ છે. એવામાં જાણીએ કે સંપત્તિના મામલામાં તે કયા-કયા સ્ટાર કિડ્સથી આગળ છે.
આર્યન ખાનની નેટવર્થ કેટલી છે?
આર્યને મુંબઈની ધીરુભાઈ અંબાણી ઇન્ટરનેશનલ સ્કૂલમાંથી અભ્યાસ કર્યા બાદ, તે લંડનની સેવનઓક્સ સ્કૂલ અને પછી યુનિવર્સિટી ઑફ સધર્ન કેલિફોર્નિયા સ્કૂલ ઑફ સિનેમેટિક આર્ટ્સમાંથી અભ્યાસ કર્યો. તેણે શરૂઆતથી જ નક્કી કર્યું હતું કે તેને અભિનય નહીં, પણ કેમેરા પાછળ રહીને વાર્તા કહેવી ગમે છે. પોતાના પિતાની જેમ અભિનયમાં કારકિર્દી બનાવવાની જગ્યાએ, તેણે ‘બેડ્સ ઑફ બોલિવૂડ’ સાથે ડિરેક્ટર તરીકે શરૂઆત કરી. આ ઉપરાંત, તે એક સફળ ઉદ્યોગપતિ પણ છે.
અનન્યા પાંડેની નેટવર્થ કેટલી છે?
અનન્યા પાંડે પણ બોલિવૂડની સૌથી લોકપ્રિય યુવા અભિનેત્રીઓમાંની એક છે. તેણે પણ ઘણી ફિલ્મો કરીને ઇન્ડસ્ટ્રીમાં પોતાની ઓળખ બનાવી છે. સોશિયલ મીડિયા પર પણ તેની ઘણી મોટી ફેન ફોલોઇંગ છે. મીડિયા રિપોર્ટ્સ અનુસાર, અનન્યા પાંડેની કુલ સંપત્તિ 74 કરોડ રૂપિયા છે.
સારા અલી ખાનની નેટવર્થ કેટલી છે?
સારા અલી ખાન બોલિવૂડની યુવા પેઢીની સૌથી ટેલેન્ટેડ અભિનેત્રીઓમાંની એક છે. સૈફ અલી ખાન અને અમૃતા સિંહની પુત્રી હોવા છતાં તે ખૂબ જ સાદું જીવન જીવે છે. સારા પણ કરોડોની સંપત્તિની માલિક છે. મીડિયા રિપોર્ટ્સ મુજબ, સારા અલી ખાનની કુલ નેટવર્થ 55 કરોડ રૂપિયા છે.
જાહ્નવી કપૂરની નેટવર્થ કેટલી છે?
જાહ્નવી કપૂર દિવંગત અભિનેત્રી શ્રીદેવી અને નિર્માતા બોની કપૂરની પુત્રી છે. તેણે 2018માં ‘ધડક’ ફિલ્મથી બોલિવૂડમાં ડેબ્યૂ કર્યું અને ઘણા લોકોના દિલ જીતી લીધા. ‘ગુંજન સક્સેના: ધ કારગિલ ગર્લ’, ‘ગુડ લક જેરી’ અને ‘મિલી’ જેવી ફિલ્મોમાં અભિનય કરીને તેણે ઇન્ડસ્ટ્રીમાં પોતાની એક ખાસ જગ્યા બનાવી છે. અહેવાલો મુજબ, જાહ્નવી કપૂરની નેટવર્થ 82 કરોડ રૂપિયા છે.
