- PM મોદીએ આજે 3 વંદે ભારત ટ્રેનને લીલી ઝંડી બતાવી
- વંદે ભારત ટ્રેન કર્ણાટક, તમિલનાડુ અને ઉત્તર પ્રદેશના ઘણા ભાગોને જોડશે
- આનાથી સ્થાનિક વ્યવસાયોને વેગ મળ્યો: PM
વડાપ્રધાન નરેન્દ્ર મોદીએ આજે 3 વંદે ભારત ટ્રેનને લીલી ઝંડી બતાવી હતી. આ ત્રણ નવી વંદે ભારત ટ્રેન કર્ણાટક, તમિલનાડુ અને ઉત્તર પ્રદેશના ઘણા ભાગોને જોડશે. તેમાંથી પ્રથમ વંદે ભારત ટ્રેન ચેન્નાઈ સેન્ટ્રલથી નાગરકોઈલ, બીજી મદુરાઈથી બેંગ્લોર કેન્ટ અને ત્રીજી મેરઠ સિટી-લખનૌ જશે.
પર્યટનમાં તેજી
લીલી ઝંડી બતાવતી વખતે પીએમ મોદીએ કહ્યું, ‘વંદે ભારત ટ્રેનો શરૂ થઈ ત્યારથી આ ટ્રેનો જ્યાં પણ દોડે છે ત્યાં પર્યટનમાં ઉછાળો આવ્યો છે. આનાથી સ્થાનિક વ્યવસાયોને વેગ મળ્યો છે અને રોજગારીની નવી તકો ઊભી થઈ છે. આ સિદ્ધિ માટે હું નાગરિકોને અભિનંદન આપું છું.
વંદે ભારત આધુનિક ભારતીય રેલ્વેની નવી પેર્ટન
પીએમ મોદીએ કહ્યું કે આજે યુપી અને ખાસ કરીને પશ્ચિમ યુપીના લોકોને પણ મેરઠ-લખનૌ રૂટ પર વંદે ભારત ટ્રેન દ્વારા સારા સમાચાર મળ્યા છે. મેરઠ અને પશ્ચિમ યુપી ક્રાંતિની ભૂમિ છે. આજે આ વિસ્તાર વિકાસની નવી ક્રાંતિનો સાક્ષી બની રહ્યો છે. વંદે ભારત આધુનિક ભારતીય રેલ્વેનો નવો ચહેરો છે.
દેશભરમાં 102 વંદે ભારત ટ્રેન દોડી રહી છે
આ સાથે તેમણે કહ્યું કે આજે શહેરના દરેક રૂટ પર વંદે ભારતની માંગ છે. હાઈ-સ્પીડ ટ્રેનોના આગમન સાથે, લોકોને તેમના વ્યવસાય, રોજગાર અને તેમના સપનાને વિસ્તારવા માટે આત્મવિશ્વાસ મળે છે. આજે દેશભરમાં 102 વંદે ભારત રેલ સેવાઓ ચાલી રહી છે.
