અમેરિકાએ ભારતના પીઢ ઉદ્યોગપતિ રતન ટાટાના નિધન પર શોક વ્યક્ત કર્યો હતો અને તેઓને ભારતના વિકાસની તરફ અગ્રેસર કરનાર વ્યકિત તરીકે યાદ કર્યા હતા. ટાટા જૂથના પૂર્વ અધ્યક્ષ રતન ટાટાએ એક નાના જૂથને ભારતના સૌથી મોટા અને સૌથી પ્રભાવશાળી જૂથોમાંથી એકમાં તબદિલ કર્યું. રતન ટાટાનું મુંબઈની બ્રિચ કેન્ડી હોસ્પિટલમાં બુધવારે રાત્રે નિધન થઈ ગયું હતું.
સુંદર પિચાઈ
ગૂગલ અને આલ્ફાબેટના સીઈઓ સુંદર પીચાઈએ રતન ટાટાના નિધન પર તેઓને યાદ કરતા લખ્યું કે, ગૂગલમાં રતન ટાટા સાથે મારી ગત મુલાકાતમાં અમે વેમોની પ્રગતિ અંગે વાત કરી હતી. તેઓનું વિઝન સાંભળવું પ્રેરણાદાયક હતું. તેઓ એક અસાધારણ વ્યવસાય અને પરોપકારી વારસો છોડી ગયા છે, અને ભારતમાં આધુનિક વ્યવસાય નેતૃત્તવ અને માર્ગદર્સન અને વિકસિત કરવામાં મહત્ત્વપૂર્ણ ભૂમિકા નિભાવી હતી. તેઓએ ભારતને શ્રેષ્ઠ બનાવવા ઊંડી ચિંતા કરી હતી. તેઓના પ્રિયજનોને પ્રત્યે ઊંડી સંવેદના અને રતન ટાટાજીને આત્માને શાંતિ મળે.
રતન ટાટાના નિધન પર ઈન્ડિયાસ્પોરાએ શોક દર્શાવ્યો
અમેરિકા-ભારત વેપાર પરિષદ તરફથી અપાયેલ નિવેદન અનુસાર, પદ્મ વિભૂષણથી સન્માનિત વ્યકિત ભારતના અદ્વિતીય અને મહાન પુત્ર તેમજ ઉદારતાના આદર્શન હતા. ઈન્ડિયાસ્પોરા જૂથે અત્યંત દુખની સાથે રતન ટાટાના નિધન પર શોક વ્યક્ત કર્ચો હતો. તેમને વધુમાં જણાવ્યું કે, ઉદ્યોગ જગતમાં તેઓના અસાધારણ યોગદાન અને સામાજિક કાર્યો પ્રત્યે તેઓની ઊંડી કટિબદ્ધતા માત્ર ભારત જ નહીં આખી દુનિયા પર અમિટ છાપ છોડી છે.
કૉર્નેલ યુનિવર્સિટીએ આ રીતે યાદ કર્યા
કૉર્નેલ યુનિવર્સિટી તરફથી જણાવ્યું કે, ટાટાએ અહીંથી જ ગ્રેજ્યુએશન પૂર્ણ કર્યું હતું અને તેઓ આ યુનિવર્સિટીના આંતરરાષ્ટ્રીય સ્તરે સૌથી મોટી દાન આપ્યું હતું. ટાટાએ ભારત અને અને આ યુનિવર્સિટીમાં એક અસાધારણ વારસો છોડયો છે. રતન ટાટાએ આર્કિટેકચરમાં ડિગ્રીની સાથે કોર્નેલથી સ્નાતક કર્યું હતું. તો આ કલ્પના કરવી અશક્ય હતી કે તેઓના દૂરદર્શી નેતૃત્વ, પરોપકાર અને માનવતાના પ્રત્યે કટિબદ્ધતાના વૈશ્વિક પ્રભાવના ઘણા ક્ષેત્રોમાં શિક્ષણ અને સંશોધનને આગળ વધારમાં હશે. રતન ટાટાને વર્ષ-2006થી 2022 સુધી ત્રણ વાર કોર્નેલના ટ્રસ્ટી રહ્યા. તેઓને વર્ષ-2013માં કોર્નેલના આંત્રપ્રેન્યોર ઑફ યર તરીકે નામિત કર્યા હતા.
