સાઉથ સ્ટાર યશ તેની આગામી ફિલ્મ ટોક્સિકને લઈને ખૂબ જ ચર્ચામાં છે. આ ફિલ્મ પહેલા એપ્રિલ 2025માં રિલીઝ થવાની હતી. પરંતુ કામ પૂર્ણ ન થવાના કારણે તે મોકૂફ રાખવામાં આવ્યું છે. હવે આ ફિલ્મ 17 હજાર કરોડની કમાણી કરનાર ફિલ્મના ત્રીજા ભાગને ટક્કર આપી શકે છે.
વર્ષ 2025માં બોક્સ ઓફિસ પર ઘણી મોટી ફિલ્મો ધૂમ મચાવવાની તૈયારી કરી રહી છે. આ વર્ષે ઘણા મોટા બજેટની ફિલ્મો રિલીઝ થશે, જેના પર ચાહકોની નજર ટકેલી છે. સાઉથ ઈન્ડસ્ટ્રી પણ આ મામલે કોઈથી પાછળ નથી. સાઉથ સ્ટાર યશ તેની આગામી ફિલ્મોને લઈને ઘણા સમયથી ચર્ચામાં છે. યશની આગામી ફિલ્મોમાંથી એક નામ ટોક્સિક છે. ટોક્સિકને લઈને દરરોજ વિવિધ પ્રકારના અપડેટ્સ આવતા રહે છે. આ દરમિયાન ફિલ્મની રિલીઝ ડેટને લઈને એક અપડેટ આવી છે. જોકે નિર્માતાઓએ ફિલ્મની રિલીઝ માટે જે સમય પસંદ કર્યો છે તે દરમિયાન 17 હજાર કરોડ રૂપિયાથી વધુની કમાણી કરનાર હોલિવૂડ ફિલ્મનો ત્રીજો ભાગ પણ રિલીઝ થશે.
ડીસેમ્બરમાં અવતાર 3ની સાથે ટકરાશે ટોક્સિક?
ગેંગસ્ટર એક્શન ડ્રામા ટોક્સિકની રિલીઝની સત્તાવાર જાહેરાત ટૂંક સમયમાં કરવામાં આવશે. પરંતુ એક અહેવાલ મુજબ આ ફિલ્મ આ વર્ષે ડિસેમ્બરમાં રિલીઝ થશે. આટલું જ નહીં જેમ્સ કેમેરોનની અવતાર 3 પણ ડિસેમ્બર 2025માં રિલીઝ થશે, જેની જાહેરાત થઈ ચૂકી છે. રાષ્ટ્રીય પુરસ્કાર વિજેતા નિર્દેશક ગીતુ મોહનદાસ યશના ટોક્સિકનું નિર્દેશન કરી રહ્યા છે. ફિલ્મનું શૂટિંગ પણ શરૂ થઈ ગયું છે.
અવતારે વિશ્વભરમાં 17 હજાર કરોડની કમાણી કરી હતી
અગાઉ યશ સ્ટારર ટોક્સિક એપ્રિલ 2025 માં રિલીઝ થવાની જાહેરાત કરવામાં આવી હતી. પરંતુ ફિલ્મના નિર્માણ કાર્યમાં વિલંબને કારણે તેની રિલીઝ ડેટ લંબાવવામાં આવી છે. આવી સ્થિતિમાં હવે મેકર્સ ડિસેમ્બર 2025માં ટોક્સિક રિલીઝ કરશે. તેની પુષ્ટિ તારીખ પણ ટૂંક સમયમાં જાહેર કરવામાં આવશે. બીજી તરફ જેમ્સ કેમેરોનની અવતાર 3 પણ 19 ડિસેમ્બર 2025ના રોજ મોટા પડદા પર રિલીઝ માટે તૈયાર છે.એક અહેવાલ મુજબ અવતાર 2 એ વિશ્વભરમાં 17380 કરોડ રૂપિયાનો બિઝનેસ કર્યો હતો. ભારતમાં આ ફિલ્મે 391 કરોડ રૂપિયાની કમાણી કરી હતી.
ટોક્સિકની ગ્લોબલ પ્રોજેક્ટ બનાવવાની યોજના
યશે કેવીએન પ્રોડક્શન્સ સાથે મળીને ફિલ્મનું નિર્માણ પણ કર્યું છે. એવું પણ કહેવામાં આવી રહ્યું છે કે દક્ષિણ અભિનેતા હાલમાં 20th Century Fox સાથે ટોક્સિકની વિદેશમાં રિલીઝ માટે વાતચીત કરી રહ્યો છે. રિપોર્ટ અનુસાર વસ્તુઓ હજુ પ્રારંભિક તબક્કામાં છે. પરંતુ મેકર્સ આ ફિલ્મને ગ્લોબલ પ્રોજેક્ટ બનાવવાની યોજના બનાવી રહ્યા છે. યશને ફિલ્મની સ્ટોરી-ટેલિંગ પેટર્ન અને ટોક્સિકના વિઝ્યુઅલમાં પૂરો વિશ્વાસ છે. તેને આશા છે કે આ ફિલ્મ આંતરરાષ્ટ્રીય દર્શકોને ખૂબ પ્રભાવિત કરશે.
પુષ્પાની જેમ ટોક્સિક સામે પણ ફરિયાદ દાખલ થયો છે
પુષ્પા રિલીઝ બાદ ભાગદોડ મામલે પોલીસ ફરિયાદ નોંધાઈ હતી. જોકે કોર્ટે જમીન આપી દીધા હતા પરંતુ હજી સુધી કેસ નો નિકાલ આવ્યો નથી. આવું જ ટોક્સિક સાથે પણ બન્યું છે. કર્ણાટક વન વિભાગે ફિલ્મના નિર્માતાઓ સામે કેસ દાખલ કર્યા બાદ યશની આગામી ફિલ્મ ટોક્સિકને ગત નવેમ્બરમાં કાયદાકીય સમસ્યાઓનો સામનો કરવો પડ્યો છે. બેંગલુરુમાં શૂટિંગ દરમિયાન જંગલની જમીન પર કથિત રીતે અનધિકૃત વૃક્ષો કાપવા બદલ FIR દાખલ કરવામાં આવી હતી.
Source link
