ટીમ ઈન્ડિયા હાલ બાંગ્લાદેશ સામે ત્રણ મેચની ટી-20 સિરીઝ રમી રહી છે. રોહિત શર્મા આ સિરીઝમાં નથી કારણ કે તેણે T20 વર્લ્ડ કપ-2024 પછી T20 આંતરરાષ્ટ્રીયમાંથી નિવૃત્તિ લીધી હતી. જોકે, રોહિત આરામ કરી રહ્યો નથી. તે ન્યુઝીલેન્ડ સામેની ટેસ્ટ સિરીઝની તૈયારી કરી રહ્યો છે. રોહિત પ્રેક્ટિસ કરી રહ્યો છે અને હવે તેનો એક વીડિયો સામે આવ્યો છે જેમાં રોહિત નેટ પ્રેક્ટિસ માટે જતા પહેલા કોઈના પર ગુસ્સે થઈ જાય છે.
ન્યૂઝીલેન્ડ સામે ટેસ્ટ રમશે ભારત
ભારતે તાજેતરમાં જ બે મેચની ટેસ્ટ સિરીઝમાં બાંગ્લાદેશને હરાવ્યું હતું. આ સિરીઝમાં રોહિતનું બેટ વધારે ચાલ્યું ન હતું. રોહિત ન્યૂઝીલેન્ડ સામેની સિરીઝમાં આ ખામીને પૂરી કરવા માંગે છે અને તેથી તે ઘણો પરસેવો પાડી રહ્યો છે.
આ શું બોલી ગયો રોહિત શર્મા
રોહિતે પોતાના ઈન્સ્ટાગ્રામ પર એક વીડિયો શેર કર્યો છે. આ વીડિયોમાં રોહિત નેટ પ્રેક્ટિસ અને પછી બેટિંગ માટે તૈયાર થતો દેખાડવામાં આવ્યો છે. રોહિત ડ્રેસિંગ રૂમમાંથી નેટ પર જાય છે. ત્યારે કોઈ તેને પહેલા જ બોલ પર સિક્સર મારવાનું કહે છે. રોહિત આનો જવાબ પોતાની સ્ટાઈલમાં આપે છે અને કહે છે, ‘પાગલ હૈ ક્યા’.
