બોલીવૂડ એક્ટ્રેસ શ્રદ્ધા કપૂર સોશિયલ મીડિયા પર અવારનવાર ચર્ચામાં રહે છે. એક્ટ્રેસની મોટી ફેન ફોલોઈંગ છે. ‘સ્ત્રી 2’ ની સફળતા પછી, તાજેતરમાં એક્ટ્રેસે પ્રિયંકા ચોપરાને પાછળ છોડી દીધી હતી અને ઈન્સ્ટાગ્રામ પર સૌથી વધુ ફોલો કરવામાં આવતા ભારતીય સેલેબ્સના લિસ્ટમાં નંબર 2ની સિદ્ધિ હાંસલ કરી હતી.
શ્રદ્ધાની પર્સનલ લાઈફ અને સંબંધો વિશે અવારનવાર ચર્ચાઓ થતી રહે છે, પરંતુ તે કોને ડેટ કરી રહી છે અને કોની સાથે ક્યાં જઈ રહી છે તેમાં પણ ફેન્સને ખૂબ જ રસ છે. હવે શ્રદ્ધાના ‘પાર્ટનર’ વિશે માહિતી સામે આવી રહી છે, જેના પછી તેના ફેન્સ ખૂબ જ એક્સાઈટેડ થઈ ગયા છે.
રાહુલ મોદીને ડેટ નથી કરી રહી એક્ટ્રેસ!
એક્ટ્રેસે આ વર્ષની શરૂઆતમાં અનંત અંબાણી અને રાધિકા મર્ચન્ટના પ્રી વેડિંગના સેરેમનીમાં રાહુલ મોદી સાથે આવીને સૌનું ધ્યાન ખેંચ્યું હતું. આનાથી ફેન્સને આશા હતી કે તે ટૂંક સમયમાં તેમના સંબંધોને ઓફિશિયલ કરશે, પરંતુ તેમ થયું નહીં. મીડિયા રિપોર્ટ મુજબ શ્રદ્ધા કપૂર રાહુલ મોદીને ડેટ કરી રહી નથી. રાહુલ સાથેના તેના સંબંધોની પુષ્ટિ કરવાને બદલે, શ્રદ્ધાએ તેને અનફોલો કરી દીધો, ત્યારબાદ તેમના બ્રેકઅપના સમાચારે પણ વેગ પકડ્યો હતો.
શ્રદ્ધા કપૂરના ઈન્ટરવ્યુએ મચાવી ધૂમ
તાજેતરમાં, જ્યારે શ્રદ્ધા કપૂરે એક ઇન્ટરવ્યુમાં તેના ‘પાર્ટનર’નો ઉલ્લેખ કર્યો, ત્યારે બધા ફરી એકવાર એક્ટ્રેસના બોયફ્રેન્ડ વિશે અટકળો કરવા લાગ્યા. એક મેગેઝીનને જણાવ્યું કે શ્રદ્ધાને તેના પાર્ટનર સાથે સમય પસાર કરવો ગમે છે. એક્ટ્રેસના આ નિવેદન બાદ ફરી એકવાર તેના પાર્ટનરને લઈને અટકળો શરૂ થઈ ગઈ છે.
સિંધી બિઝનેસમેનને ડેટ કરી રહી છે શ્રદ્ધા
રેડિટ પર બોલિ બ્લાઈન્ડ અને ગોસિપની એક પોસ્ટમાં દાવો કરવામાં આવ્યો છે કે શ્રદ્ધાએ એક સિંધી બિઝનેસમેનને ડેટ કરવાનું શરૂ કર્યું છે. આ રેડિટ પોસ્ટમાં લખ્યું છે કે, ‘મારી પાસે કેટલાક વિશ્વસનીય અહેવાલો છે કે શ્રદ્ધા એવી વ્યક્તિ સાથે છે જે સિંધી પરિવારમાંથી છે અને બોલીવુડમાંથી નથી. પરંતુ આ વ્યક્તિ ફિલ્મોમાં રોકાણ કરે છે. ‘સ્ત્રી 2’ના પ્રમોશન વખતે તે દિલ્હીમાં પણ તેની સાથે હતો. તે ચોક્કસપણે તેના કરતા નાની લાગે છે અને સૌથી મહત્વની વાત એ છે કે તેઓ ટૂંક સમયમાં લગ્ન કરી શકે છે.’
Source link
