દક્ષિણ આફ્રિકાની ટીમે આગામી ચેમ્પિયન્સ ટ્રોફી માટે તેની 15 સભ્યોની ટીમની જાહેરાત કરી છે. આ ટુર્નામેન્ટ 19 ફેબ્રુઆરીથી પાકિસ્તાન અને સંયુક્ત આરબ અમીરાતમાં યોજાશે. પ્રોટીઝ ટીમ 21 ફેબ્રુઆરીએ કરાચીના નેશનલ સ્ટેડિયમ ખાતે ટુર્નામેન્ટની શરૂઆતની મેચમાં અફઘાનિસ્તાન સામે ટકરાશે અને અન્ય ગ્રુપ મેચોમાં ઓસ્ટ્રેલિયા અને ઈંગ્લેન્ડનો સામનો કરશે.
નોર્ટજે-એન્ગીડીનું કમબેક
ઈજાઓને કારણે આખી સ્થાનિક સિઝન ગુમાવનારા ઝડપી બોલર એનરિચ નોર્ટજે અને લુંગી એન્ગીડી ટીમમાં પાછા ફર્યા છે. નોર્ટજે પગમાં ફ્રેક્ચરને કારણે લાંબા સમયથી ક્રિકેટથી બહાર હતો, જ્યારે એન્ગીડીને પીઠમાં ઈજા થઈ હતી. રસપ્રદ વાત એ છે કે, ગયા વર્ષે ODI વર્લ્ડકપની સેમિફાઈનલમાં પહોંચેલી ટીમના 10 ખેલાડીઓને આ ટીમમાં જાળવી રાખવામાં આવ્યા છે.
પ્રોટીઝ ટીમમાં ઘણા નવા ખેલાડીઓનો સમાવેશ
ગયા વર્ષના T20 વર્લ્ડકપમાં રનર્સ-અપ અને આગામી વર્લ્ડ ટેસ્ટ ચેમ્પિયનશિપમાં ફાઈનલિસ્ટ દક્ષિણ આફ્રિકા પાસે ટોની ડી જોર્જી, રાયન રિકેલ્ટન, ટ્રિસ્ટન સ્ટબ્સ અને વિઆન મુલ્ડર જેવા નવા ખેલાડીઓ છે, જેઓ આ 50 ઓવરમાં આ ICC ટુર્નામેન્ટમાં પોતાનું ડેબ્યૂ કરવા માટે તૈયાર છે. ટેમ્બા બાવુમાના નેતૃત્વ હેઠળની ટીમની જાહેરાત કરતા મુખ્ય કોચ રોબ વોલ્ટરે કહ્યું કે ‘આ ટીમ અનુભવનો ભંડાર છે. ઘણા ખેલાડીઓએ દબાણની પરિસ્થિતિઓમાં સતત સારું પ્રદર્શન કર્યું છે. આવી ટુર્નામેન્ટમાંથી યુવા ખેલાડીઓને ઘણું શીખવા મળશે.
ICC ચેમ્પિયન્સ ટ્રોફી 2025 માટે દક્ષિણ આફ્રિકા ટીમ
ટેમ્બા બાવુમા (કેપ્ટન), ટોની ડી જ્યોર્જિયો, માર્કો જેન્સન, હેનરિક ક્લાસેન, કેશવ મહારાજ, એડન માર્કરામ, ડેવિડ મિલર, વિઆન મુલ્ડર, લુંગી ન્ગીડી, એનરિચ નોર્ટજે, કાગીસો રબાડા, રાયન રિકેલ્ટન, તબરેઝ શમસી, ટ્રિસ્ટન સ્ટબ્સ, રાસી વાન ડેર ડુસેન.
