પ્રતિષ્ઠિત ક્વિનાસ ડી ઓરો ઇવેન્ટમાં પ્લેટિનમ એવોર્ડ સાથે પોર્ટુગલના સ્ટાર ફૂટબોલર ક્રિસ્ટિયાનો રોનાલ્ડોએ પોતાની શાનદાર કારકિર્દીમાં વધુ એક સિદ્ધિ હાંસલ કરી દીધી છે. આ ટ્રોફી પોર્ટુગલની નેશનલ ટીમ સાથે તેના શાનદાર પ્રદર્શનનું સન્માન કરે છે.
39 વર્ષીય રોનાલ્ડો હજુ પણ વિશ્વના દિગ્ગજ સન્માનિત ફૂટબોલર્સમાં સામેલ છે અને તે કારકિર્દીમાં એક હજાર ગોલ પૂરા કરવાનો ટાર્ગેટ રાખી રહ્યો છે. રોનાલ્ડો આગામી સમયમાં પોર્ટુગલની બે મહત્ત્વપૂર્ણ મેચમાં રમવા તૈયાર છે. પોર્ટુગલ 16મી નવેમ્બરે પોલેન્ડ સામે તથા 19મી નવેમ્બરે ક્રોએશિયા સામે રમશે. ઇન્ટરનેશનલ ફૂટબોલમાં રોનાલ્ડોએ 213 મેચોમાં હાઈએસ્ટ 133 ગોલ કર્યા છે. રોનાલ્ડોએ 2016ના યૂરો કપ તથા 2019માં પોર્ટુગલને યુઇએફએ નેશન્સ લીગ ટાઇટલ જીતાડવામાં મહત્ત્વની ભૂમિકા અદા કરી હતી.
Source link
