સપ્તાહના બીજા દિવસે માર્કેટની મંગળ શરૂઆત થઇ હતી. ત્યારે ક્લોઝિંગની વાત કરીએ તો સેન્સેક્સ અને નિફ્ટી બંને લાલ નિશાનમાં બંધ થયા હતા. બપોરે 3.30 કલાકે માર્કેટની સ્થિતિ વિશે વાત કરીએ તો, સેન્સેક્સ 81,837 અંકે 135.29 પોઇન્ટના ઘટાડા સાથે બંધ થયુ હતું જ્યારે નિફ્ટી 25,066 અંક પર 61.80 પોઇન્ટના ઘટાડા સાથે બંધ થયુ હતું.
માર્કેટ ઘટાડા સાથે બંધ
મંગળવારના ટ્રેડિંગ સેશનમાં સવારના વેપાર દરમિયાન સારી શરૂઆત હોવા છતાં, દિવસ દરમિયાન વેચવાલી જોવા મળી હતી અને બજાર ઘટાડા સાથે બંધ થયું હતું. ઓટો, આઈટી અને ફાર્મા શેરોમાં પ્રોફિટ બુકિંગને કારણે માર્કેટમાં આ ઘટાડો થયો છે. જોકે, મિડકેપ અને સ્મોલકેપ શેર્સમાં ખરીદીને કારણે ઉત્સાહ જોવા મળ્યો હતો.
સેક્ટરોલ અપડેટ
આજના કારોબારમાં બેન્કિંગ, એફએમસીજી, રિયલ એસ્ટેટ, મીડિયા, કન્ઝ્યુમર ડ્યુરેબલ્સ સેક્ટરના શેરમાં ખરીદારી જોવા મળી હતી. જ્યારે ઓટો, આઈટી, ફાર્મા, મેટલ્સ, એનર્જી, કોમોડિટીઝના શેરોમાં વેચવાલી જોવા મળી હતી. મિડકેપ અને સ્મોલકેપ શેરોમાં ખરીદીને કારણે નિફ્ટી મિડકેપ ઈન્ડેક્સ 121 પોઈન્ટના ઉછાળા સાથે અને સ્મોલ કેપ ઈન્ડેક્સ 211 પોઈન્ટના ઉછાળા સાથે બંધ થયા હતા.
વધતા અને ઘટતા શેર
બીએસઈના 30 શેરોમાંથી 9 શેર ઉછાળા સાથે બંધ થયા હતા જ્યારે 21 ઘટાડા સાથે બંધ થયા હતા. જ્યારે નિફ્ટીના 50 શેરોમાંથી 18 ઉછાળા સાથે અને 30 ઘટાડા સાથે બંધ થયા હતા અને બે શેરના ભાવમાં કોઈ ફેરફાર જોવા મળ્યો ન હતો.
વધતા શેરોમાં ICICI બેન્ક 1.95 ટકા, ભારતી એરટેલ 1.26 ટકા, એશિયન પેઇન્ટ્સ 1.20 ટકા, અદાણી પોર્ટ્સ 0.71 ટકા, અલ્ટ્રાટેક સિમેન્ટ 0.68 ટકા, એચસીએલ ટેક 0.58 ટકા, 72 ટકાના વધારા સાથે બંધ થયા હતા.
ઘટતા શેરોમાં બજાજ ફાઇનાન્સ 2.47 ટકા, રિલાયન્સ 2.05 ટકા, ટાટા સ્ટીલ 1.58 ટકા, ટેક મહિન્દ્રા 1.07 ટકા, ટાટા મોટર્સ 1.01 ટકા, કોટક મહિન્દ્રા બેન્ક 0.80 ટકાના ઘટાડા સાથે બંધ થયા છે.
માર્કેટ કેપમાં રૂ. 26000 કરોડનો વધારો
સેન્સેક્સ-નિફ્ટી ઘટાડા સાથે બંધ થવા છતાં બજારનું માર્કેટ કેપ વધી રહ્યું છે. BSE પર લિસ્ટેડ શેરોનું માર્કેટ કેપ રૂ. 463.88 લાખ કરોડના સ્તરે બંધ થયું હતું, જે અગાઉના સત્રમાં રૂ. 463.62 લાખ કરોડના સ્તરે બંધ થયું હતું. એટલે કે આજના સત્રમાં માર્કેટ મૂડીમાં રૂ. 26000 કરોડનો વધારો થયો છે.
Source link