ધ્રાંગધ્રાના ઝાલાવાડ ગ્રાઉન્ડ ખાતે સુરેન્દ્રનગર અને ધ્રાંગધ્રાની અંડર-14 ટીમ વચ્ચે ક્રિકેટ મેચનું આયોજન કરાયુ હતુ. જેમાં ધ્રાંગધ્રાની ટીમનો વિજય થયો છે. સુરેન્દ્રનગરની ટીમે આપેલા 282 રનના લક્ષ્યને ધ્રાંગધ્રાની ટીમે 37.3 ઓવરમાં હાંસલ કર્યો હતો.
ધ્રાંગધ્રાના ઝાલાવાડ ગ્રાઉન્ડમાં યુવા ખેલાડીઓને કોચ છોટુભા ઝાલા દ્વારા વિનામૂલ્યે ક્રિકેટનું કોચીંગ અપાય છે. ત્યારે ગત રવિવારે ઝાલાવાડ ગ્રાઉન્ડમાં સુરેન્દ્રનગર અને ધ્રાંગધ્રાની અંડર-14 ટીમ વચ્ચે મેચ યોજાઈ હતી. જેમાં પ્રથમ બેટીંગ કરતા સુરેન્દ્રનગરની ટીમે નીર્ધારીત 40 ઓવરમાં 8 વિકેટે 281 રન કર્યા હતા. આ ઈનીંગમાં નીલ મકવાણાને ધુંઆધાર 156 રન કર્યા હતા. જયારે 182 રનનો પીછો કરવા ઉતરેલી ધ્રાંગધ્રાની ટીમે 37.3 ઓવરમા 284 રન કરી વિજય મેળવ્યો હતો. ધ્રાંગધ્રાની ઈંનીંગમાં યશ દવેના 60, વંશ ગોહીલના 59 અને ધર્મરાજસીંહ ઝાલાના 51 રન મુખ્ય હતા. ક્રિકેટ મેચ દરમિયાન લતીફભાઈ, રોહીત મીઠાપરા, મહેન્દ્રભાઈ પરમાર, દુષ્યંતભાઈ દંગી સહિતનો સ્ટાફ ઉપસ્થિત રહ્યો હતો.
Source link
