મુંબઈ જતી એર ઈન્ડિયાની ફ્લાઈટમાં સમસ્યા, ટેકઓફના 18 મિનિટ પછી જયપુર એરપોર્ટ પર પાછી લેન્ડિંગ
જયપુરથી મુંબઈ જતી એર ઈન્ડિયાની ફ્લાઈટ AI 612 ને ટેકઓફ કર્યાના 18 મિનિટ પછી જ જયપુર એરપોર્ટ પર પાછી ઈમરજન્સી લેન્ડિંગ કરાવવી પડી.
આ ઘટના શુક્રવારે બની જ્યારે ફ્લાઈટ બપોરે 1.35 વાગ્યે ઉડાન ભરી હતી. ફ્લાઈટરાડર ટ્રેકિંગ વેબસાઈટ અનુસાર, ફ્લાઈટને ‘ડાયવર્ટ’ બતાવવામાં આવી હતી.
ફ્લાઇટ્સ ટેકનિકલ ખામીઓનો સામનો કરી રહી છે
ફ્લાઇટ ઉડાન ભર્યાના થોડી મિનિટો પછી તેમાં ટેકનિકલ ખામી જોવા મળી, ત્યારબાદ પાઇલટ્સે સલામતીને ધ્યાનમાં રાખીને પાછા ફરવાનો નિર્ણય કર્યો. એર ઇન્ડિયાની આ ફ્લાઇટ લગભગ 18 મિનિટ સુધી હવામાં રહી અને પછી સુરક્ષિત રીતે ઉતરાણ કર્યું.
તાજેતરના અઠવાડિયામાં એર ઇન્ડિયા અને તેની પેટાકંપની એર ઇન્ડિયા એક્સપ્રેસની ઘણી ફ્લાઇટ્સ ટેકનિકલ ખામીઓનો સામનો કરી રહી છે.
બુધવારે, દિલ્હી એરપોર્ટથી મુંબઈ જતી ફ્લાઇટ ટેકઓફ પહેલાં ટેકનિકલ ખામીને કારણે રદ કરવામાં આવી હતી. તે ફ્લાઇટમાં 160 મુસાફરો સવાર હતા.
