લ્યો બોલો: નીતિશ બાબુની સરકારે 71000 કરોડ કર્યાં વાપર્યા એનો હિસાબ જ નથી, પ્રજાના પૈસે તાગડધિન્ના
રાજ્ય વિધાનસભામાં આ CAG રિપોર્ટ રજૂ કરવામાં આવ્યો ત્યારે વિપક્ષે પણ ઉગ્ર સવાલો ઉઠાવ્યા હતા. આ રિપોર્ટમાં જણાવાયું છે કે નિર્ધારિત સમય મર્યાદામાં ઉપયોગિતા પ્રમાણપત્ર સબમિટ કરવાની શરત હોવા છતાં બિહારના એકાઉન્ટન્ટ જનરલ (એકાઉન્ટ્સ અને એન્ટાઇટલમેન્ટ્સ)ને 31 માર્ચ, 2024 સુધી 70,877.61 કરોડ રૂપિયાના 49,649 બાકી ઉપયોગિતા પ્રમાણપત્રો પ્રાપ્ત થયા નથી.
આ નિયમોનું સીધું ઉલ્લંઘન છે, કારણ કે કોઈપણ યોજનાની રકમ જાહેર થયા પછી સમયસર UC આપવું ફરજિયાત છે
બજેટના માત્ર 79.92 ટકા જેટલો જ ખર્ચ કર્યો
CAGએ જણાવ્યું હતું કે નાણાકીય વર્ષ 2023-24 માટે રાજ્યનું કુલ બજેટ 3.26 લાખ કરોડ રૂપિયા હતું અને રાજ્યએ કુલ બજેટના માત્ર 2.60 લાખ કરોડ રૂપિયા એટલે કે 79.92 ટકા ખર્ચ કર્યા છે. આનો અર્થ એ થયો કે બિહાર સરકાર વિકાસ કાર્ય માટે ફાળવવામાં આવેલા નાણાંનો ઉપયોગ કરી શકી નથી.
મોટાભાગના બેદરકાર વિભાગો
રિપોર્ટ મુજબ પંચાયતી રાજ વિભાગ UC જમા ન કરાવનારા મુખ્ય વિભાગોમાં મોખરે છે જેની પાસે 28,154.10 કરોડ રૂપિયાની બાકી રકમ છે.
આ પછી શિક્ષણ વિભાગ (12,623.67 કરોડ રૂપિયા), શહેરી વિકાસ વિભાગ (11,065.50 કરોડ રૂપિયા), ગ્રામીણ વિકાસ વિભાગ (7,800.48 કરોડ રૂપિયા) અને કૃષિ વિભાગ (2,107.63 કરોડ રૂપિયા) આવે છે. CAG એ પણ જાહેર કર્યું કે 14,452.38 કરોડ રૂપિયા 2016-17 કે તે પહેલાંના છે જે હજુ પણ બાકી છે.
