મૃતકના પરિવારની વ્હારે આવ્યો રામચરણ, ગેમ ચેંજરની ઇવેન્ટ દરમિયાન અકસ્માતની ઘટના

સાઉથ સ્ટાર રામ ચરણની ફિલ્મ ‘ગેમ ચેન્જર’ની ચાહકો આતુરતાથી રાહ જોઈ રહ્યા છે. આ વર્ષની આ પહેલી મોટી ફિલ્મ છે. રામ ચરણની સાથે કિયારા અડવાણી પણ ફિલ્મમાં જોવા મળશે. આંધ્રપ્રદેશના રાજમુન્દ્રીમાં ‘ગેમ ચેન્જર’ની પ્રી-રીલીઝ ઈવેન્ટનું આયોજન કરવામાં આવ્યું હતું. આંધ્રપ્રદેશના ડેપ્યુટી સીએમ પવન કલ્યાણે પણ તેમાં ભાગ લીધો હતો. આ કાર્યક્રમમાં હાજરી આપવા માટે ઘણા ચાહકો આવ્યા હતા. જો કે આ ઘટનાએ ખૂબ જ કમનસીબ વળાંક લીધો. ઇવેન્ટમાંથી પરત ફરતી વખતે અકસ્માતમાં બે ચાહકોના મોત થયા હતા.

મૃતક ચાહકની ઓળખ 23 વર્ષીય આરવ મણિકાંત અને 22 વર્ષીય ઠોકડા ચરણ તરીકે થઈ છે. બંને ચાહકો ‘ગેમ ચેન્જર’ની પ્રી-રીલીઝ ઈવેન્ટમાં હાજરી આપીને બાઇક પર ઘરે પરત ફરી રહ્યા હતા. તેની બાઇક વાન સાથે અથડાઈ હતી, જેના કારણે તેણે જીવ ગુમાવ્યો હતો. આ મામલે રંગપેટા પોલીસે ગુનો નોંધ્યો છે. અભિનેતા રામ ચરણ રોડ અકસ્માતમાં ચાહકના જીવ ગુમાવવાથી દુઃખી વ્યક્ત કર્યુ છે. તેમણે બંનેના મૃત્યુ પર શોક વ્યક્ત કરીને તેમના પરિવારને સંવેદના પાઠવી હતી.

અકસ્માતમાં ચાહકોના મૃત્યુના સમાચાર મળતા જ રામ ચરણની ટીમ તેમના પરિવારોને મળવા અને તેમને ટેકો આપવા પહોંચી હતી. અભિનેતાએ આ મુશ્કેલ સમયમાં મદદ કરવા માટે બંને પરિવારોને 5-5 લાખ રૂપિયાની આર્થિક સહાય આપવાની પણ જાહેરાત કરી છે. ફિલ્મના નિર્માતા દિલ રાજુએ પણ અકસ્માતમાં મૃત્યુ પામેલા બે લોકો માટે આર્થિક સહાયની જાહેરાત કરી છે.

તેમણે બંને છોકરાઓના પરિવારને 5-5 લાખ રૂપિયા અને દરેક રીતે મદદ કરવાની ખાતરી આપી હતી. મૃતકોને શ્રદ્ધાંજલિ આપતા દિલ રાજુએ કહ્યું, ‘મને હમણાં જ ખબર પડી કે ગેમ ચેન્જર ઇવેન્ટમાંથી પાછા ફર્યા બાદ 2 ચાહકો મૃત્યુ પામ્યા. રામ ચરણ અને મેં આ કાર્યક્રમ માટે આગ્રહ કર્યો અને તેનું આયોજન કરવાની માંગણી કરી. હું પ્રાર્થના કરું છું કે બંનેના આત્માને શાંતિ મળે. અમે બંને પરિવારોની સાથે ઊભા રહીશું અને તેમને સમર્થન આપીશું. હું તરત જ દરેક પરિવારને 5 લાખ રૂપિયા મોકલી રહ્યો છું અને ખાતરી આપું છું કે અમે તેમની સાથે ઊભા રહીશું.

રામ ચરણ અને દિલ રાજુ ઉપરાંત, આંધ્રપ્રદેશના ડેપ્યુટી સીએમ પવન કલ્યાણે પણ પીડિત પરિવારોને 5 લાખ રૂપિયાની આર્થિક સહાય આપવાનું વચન આપ્યું છે. અગાઉ ડિસેમ્બર 2024 માં, અલ્લુ અર્જુનની ફિલ્મ ‘પુષ્પા 2’ ની પ્રી-રીલીઝ ઇવેન્ટમાં નાસભાગને કારણે એક મહિલા ચાહકે પોતાનો જીવ ગુમાવ્યો હતો. આ કારણે અલ્લુ અર્જુન કાયદાકીય મુશ્કેલીમાં ફસાઈ ગયો હતો. ઉલ્લેખનીય છે કે ફિલ્મ ‘ગેમ ચેન્જર’ની વાત કરીએ તો તે 10 જાન્યુઆરીએ સિનેમાઘરોમાં રિલીઝ થઈ રહી છે.