શહેરાના મોર ઊંડારા પાસે પસાર થતી પાનમ નદી પરનો કોઝવે નદીમાં પાણી વધારે આવવાથી તૂટી જતા અવરજવર સંપૂર્ણ બંધ થઈ છે. આ ગામ સહિત આજુબાજુના દસ ગામના લોકોને લુણાવાડા જવા માટે 10 કિલોમીટર ફરીને જવું પડતું હોય ત્યારે આ કોઝવે ની મરામત કરવામાં આવે એવી માંગ ગ્રામજનો માંથી ઉઠી રહી હતી.
શહેરા તાલુકાના મોર ઊંડારા ગામથી રમજીની નાળ થઈને લુણાવાડા તરફ્ જવાનો ટૂંકો માર્ગ હોવાથી આ ગામ સહિત આજુબાજુના ગામના ગ્રામજનો આ રસ્તે અવર-જવર કરવા સાથે સમયનો પણ તેઓનો બચાવ થતો હતો. ચોમાસા દરમિયાન પાનમ નદીમાં પાણી આવવાના કારણે નદી પરનો આ કૉઝવે વચ્ચેથી તૂટી જતા વાહનોની અવરજવર સંપૂર્ણ બંધ થઈ ગઈ હતી.
મોર ઊંડારા તેમજ આજુબાજુ ગામના ગ્રામજનો જીવન જરૂરિયાતની ચીજ વસ્તુઓ ની ખરીદી કરવા માટે તેઓ લુણાવાડા જતા હોય જેથી આ પાનમ નદી પરનો કોઝવે તૂટી જવાના કારણે વાહન ચાલકોને બીજા રસ્તે 10 કિલોમીટર ફરીને લુણાવાડા અવરજવર કરવી પડતી હોવાથી સબંધિત તંત્ર દ્વારા આ કોઝવે ની મરામત વહેલી તકે કરવામાં આવે એવી માંગ આ વિસ્તારના જાગૃત ગ્રામજનો કરી રહ્યા હતા.
જ્યારે વાહન ચાલક દિલીપ બારીઆ એ જણાવ્યું હતું કે આ નાનો પુલ તૂટી જતાં અમારે 10 કિલોમિટર વધારે ફરીને લુણાવાડા જવું પડતું હોય છે. આ નદી પરનો નાનો પુલ તૂટી ગયેલ ખાસા દિવસો થયા તેમ છતાં આની કામગીરી કરવામાં આવી નથી જેથી હું અને મારા ગામના લોકોને સાથે રાખીને જીલ્લાની મુખ્ય કચેરી ખાતે રજૂઆત કરાશે.
Source link
