Apple એ તેની નવી iPhone 16 સીરિઝ લૉન્ચ કરી દીધી છે. પરંતુ તેની સાથે જ કેટલાક જૂના iPhone મોડલ પણ હટાવી દીધા છે. જેમાં iPhone 13 , 14 પ્લસ, સાથે જ AI સુવિધાઓથી સજ્જ iPhone 15 Pro અને 15 Pro Max મોડલને હટાવી દીધા છે. તો આવી સ્થિતિમાં જો તમે Appleની વેબસાઇટ પરથી આ મોડલ ખરીદવાનું વિચારશો તો ટે શક્ય નહીં બને.
આ મોડલ હવે Appleની ઑનલાઇન વેબસાઇટ પર નહીં મળે
મહત્વનું કહી શકાય કે, iPhone 13 , 14 પ્લસ , 15 Pro અથવા 15 Pro Max હવે Appleની ઑનલાઇન વેબસાઇટ પર ઉપલબ્ધ રહેશે નહીં. તમે આ મોડલ્સને માત્ર ઈ-કોમર્સ પ્લેટફોર્મ, ઑફલાઇન સ્ટોર્સ અથવા સેકન્ડ હેન્ડ ફોન વેચતા-ખરીદતા પ્લેટફોર્મ્સ પર જ શોધી શકશો.
નવી સીરિઝ લોન્ચ થતાં જૂના મોડલને રિટાયર કર્યા
Apple કંપની નવી સીરિઝ લોન્ચ કરીને જૂના મોડલને રિટાયર કરી રહી છે. પરંતુ ઘણા યુઝર્સના મનમાં આ સવાલ આવી રહ્યો હશે કે iPhone 13, 15 Pro, 15 Pro Max અને iPhone 14 Plusના માલિકોનું શું થશે? શું તેમનો ફોન બંધ થઈ જશે, જો કોઈ આ મોડલ્સ ખરીદવા માંગે છે તો તે ક્યાંથી ખરીદશે? આ બધા પ્રશ્નોનો જવાબ એ છે કે કંપનીએ તમારી પાસેના iPhone મોડલને આઉટલેટમાંથી કાઢી નાખ્યા હોય તો પણ તે તમારી પાસે રહેશે. તેમની કામગીરી પર કોઈ અસર પડશે નહીં.
ઈ-કોમર્સ દ્વારા આ મોડલ તમે ખરીદી શકશો
જો કોઈ ઈ-કોમર્સ દ્વારા આ મોડલ્સ ખરીદવા માંગે છે, તો તે તેને પણ ખરીદી શકે છે, આ પ્લેટફોર્મ્સ પર પહેલેથી જ સ્ટોક ઉપલબ્ધ છે. આ સિવાય તમે સેકન્ડ હેન્ડ ફોન ખરીદવા અને વેચવા માટે પ્લેટફોર્મની મદદ પણ લઈ શકશો.
કંપની આ મોડલ્સને સોફ્ટવેર અપડેટ્સ આપવાનું ચાલુ રાખશે
કંપની ઘણા વર્ષો સુધી આ મોડલ્સને સોફ્ટવેર અપડેટ્સ અને AI ફીચર્સ સપોર્ટ આપવાનું ચાલુ રાખશે. આવી સ્થિતિમાં, જો તમારી પાસે ઉપર જણાવેલ આઇફોન મોડલ છે, તો તમે કોઈપણ ટેન્શન વિના તેનો ઉપયોગ કરી શકો છો. ગ્રાહકો માટે આઈફોન ખરીદવાની આ યોગ્ય તક છે, હકીકતમાં નવો આઈફોન લોન્ચ થતાની સાથે જ જૂના મોડલની કિંમતો ઘટી જાય છે. ઈ-કોમર્સ તેમના પર ડિસ્કાઉન્ટ ઓફર કરે છે. આવી સ્થિતિમાં જૂના iPhone મોડલ ખરીદવાની પણ આ સારી તક હોઈ શકે છે.
Source link
