ગુજરાત ટાઇટન્સ સહિત આ ફ્રેન્ચાઇઝી તેના કોચિંગ સ્ટાફમાં કરી શકે મોટો ફેરફાર

• રાજસ્થાન રોયલ્સ કોચિંગ સ્ટાફમાં કરી શકે છે મોટો બદલાવ
  
• રાહુલ દ્રવિડ રાજસ્થાન રોયલ્સ બની શકે છે હેડ કોચ
  
• શ્રીલંકાના કુમાર સંગાકારાએ હેડ કોચનું પદ છોડવું પડી શકે છે
  

ટીમ ઈન્ડિયાના પૂર્વ હેડ કોચ રાહુલ દ્રવિડ ફરી એકવાર IPLમાં વાપસી કરી શકે છે. રાજસ્થાન રોયલ્સ તેને આગામી સિઝનમાં ટીમનો કોચ બનાવી શકે છે. ટીમ ઈન્ડિયાના હેડ કોચ તરીકેનો તેમનો કાર્યકાળ T20 વર્લ્ડકપ 2024 પછી સમાપ્ત થઈ ગયો છે.

તેમના કોચિંગ હેઠળ ભારતે T20 વર્લ્ડકપ 2024નો ખિતાબ જીત્યો હતો. આ સિવાય તેણે 2023 વર્લ્ડકપની ફાઇનલમાં પણ જગ્યા બનાવી હતી. જો રાહુલ દ્રવિડ રાજસ્થાનના કોચ બને છે તો શ્રીલંકાના પૂર્વ ખેલાડી કુમાર સંગાકારાએ હેડ કોચનું પદ છોડવું પડી શકે છે. રાહુલ દ્રવિડ અગાઉ પણ રાજસ્થાનના કોચ તરીકે જોવા મળી ચૂક્યો છે.

સંગાકારાના કોચિંગ હેઠળ રાજસ્થાને સારું પ્રદર્શન કર્યું 

2021થી કુમાર સંગાકારા રાજસ્થાન ટીમના ક્રિકેટ ડિરેક્ટર અને હેડ કોચની ભૂમિકામાં જોવા મળી રહ્યા છે. તેના કોચિંગ હેઠળ રાજસ્થાન રોયલ્સનું પ્રદર્શન સારું રહ્યું છે. ટીમે 2022ની IPL સિઝનમાં ફાઇનલમાં પ્રવેશ મેળવ્યો હતો, જ્યાં તેને ગુજરાત ટાઇટન્સ સામે હારનો સામનો કરવો પડ્યો હતો. IPL 2024માં રાજસ્થાનની ટીમ ત્રીજા ક્રમે રહી હતી. રાજસ્થાનને ક્વોલિફાયર 2માં સનરાઈઝર્સ હૈદરાબાદના હાથે હારનો સામનો કરવો પડ્યો હતો.

સંગાકારા ઈંગ્લેન્ડનો કોચ બની શકે છે

અગાઉ, એક અહેવાલમાં જણાવ્યું હતું કે મેથ્યુ મોટના સ્થાને, ઇંગ્લેન્ડ અને વેલ્સ ક્રિકેટ બોર્ડ (ECB) તેના સફેદ બોલના ફોર્મેટમાં કુમાર સંગાકારાને કોચ તરીકે નિયુક્ત કરવા માંગે છે. મેથ્યુ મોટે T20 વર્લ્ડકપ 2024માં ઈંગ્લેન્ડની સેમીફાઈનલમાંથી બહાર થયા બાદ પોતાના પદ પરથી રાજીનામું આપી દીધું હતું. ઈંગ્લેન્ડની ટીમ ODI વર્લ્ડકપ 2023ની સેમીફાઈનલમાં પણ જગ્યા બનાવી શકી નથી.

કુમાર સંગાકારાનું આંતરરાષ્ટ્રીય પ્રદર્શન

એક ખેલાડી તરીકે કુમાર સંગાકારાનો રેકોર્ડ શાનદાર રહ્યો છે. તે વિશ્વના એવા કેટલાક ખેલાડીઓમાંથી એક છે જેણે ક્રિકેટમાં 27000થી વધુ રન બનાવ્યા છે. કુમાર સંગાકારા પણ કોચ તરીકે પોતાને સાબિત કરી ચૂક્યા છે. આવી સ્થિતિમાં ECB ઈંગ્લેન્ડની મર્યાદિત ઓવરોની ટીમના કોચની નિમણૂક કરી શકે છે.