સંસદના ચાલી રહેલા શિયાળુ સત્રનો આજે છેલ્લો દિવસ છે. છેલ્લા દિવસની કાર્યવાહી શરૂ થાય તે પહેલા શાસક પક્ષના સભ્યોએ સંસદ સંકુલમાં આગલા દિવસે બનેલી ધક્કામુક્કી અને ધક્કો મારવાની ઘટનાને લઈને દેખાવો કર્યા હતા. વિપક્ષે વિજય ચોક ખાતે વિરોધ પ્રદર્શન કર્યું હતું. બીજેપી સાંસદ નિશિકાંત દુબેએ અમિત શાહના નિવેદનને વિકૃત કરવા અને સોશિયલ મીડિયા પર પ્રચાર કરવા બદલ રાહુલ ગાંધી વિરુદ્ધ વિશેષાધિકાર ભંગની નોટિસ આપી છે. લોકસભાની કાર્યવાહી શરૂ થયાની પાંચ મિનિટમાં જ તેને અનિશ્ચિત સમય માટે સ્થગિત કરી દેવામાં આવી હતી.
ઉપરાષ્ટ્રપતિ સામેની અવિશ્વાસની દરખાસ્ત નામંજૂર
રાજ્યસભાના ઉપસભાપતિ હરિવંશે રાજ્યસભાના અધ્યક્ષ અને ઉપાધ્યક્ષ જગદીપ ધનખર વિરુદ્ધ અવિશ્વાસ પ્રસ્તાવની નોટિસને ફગાવી દીધી છે.
સ્પીકરે આપી કડક સૂચના
એક દિવસ પહેલા થયેલી ધક્કામુક્કી બાદ લોકસભા અધ્યક્ષ ઓમ બિરલાએ વિરોધને લઈને સૂચનાઓ આપી છે. લોકસભા સ્પીકરે કડક સૂચના આપી છે કે સંસદ ભવનના કોઈપણ ગેટ પર કોઈ રાજકીય પક્ષ કે સાંસદોનું જૂથ વિરોધ પ્રદર્શન નહીં કરે.
રાહુલ ગાંધીને લોકસભામાંથી સસ્પેન્ડ કરવાની માંગ
ભાજપના સાંસદ નિશિકાંત દુબેએ કોંગ્રેસના સાંસદ અને વિપક્ષના નેતા રાહુલ ગાંધીને લોકસભામાંથી સસ્પેન્ડ કરવાની માંગ કરી છે. આ માટે તેમણે રાહુલ વિરુદ્ધ વિશેષાધિકાર ભંગ અને ગૃહના અપમાનની નોટિસ આપી છે.
પસ્તાવો નથી તે નિંદનીય છે- નિશીકાંત દુબે
.મેં રાહુલ ગાંધીને મકર દ્વાર ઉપર ચડતા જોયા, તેથી મેં અને અન્ય નેતાએ આ જોયું અને અમે તેમને જગ્યા આપવાનું નક્કી કર્યું. ઉપર ચઢ્યા પછી રાહુલગાંધીએ અમારી બાજુમાં રહેલા પ્રતાપ સારંગી જી, સંતોષ પાંડે જીને ધક્કો માર્યો. મુકેશ રાજપૂત જીને ધક્કો માર્યો અને જે લોકો ત્યાં ઉભેલા હતા તે તમામને ધક્કો માર્યો હતો. મેં પહેલીવાર આ પાર્ટીનો કદરૂપો ચહેરો જોયો. અમારા સાંસદોને જે રીતે ધક્કો મારવામાં આવ્યો, તેમની સાથે ગેરવર્તણૂક કરવામાં આવી અને તે પછી તેમને કોઈ પસ્તાવો ન થયો, તે નિંદનીય છે…”
સંસદીય બાબતોના પ્રધાન કિરેન રિજિજુએ જણાવ્યું કે વિશેષાધિકારનો ભંગ પ્રસ્તાવ લોકસભા અને રાજ્યસભા બંનેમાં લાવવામાં આવ્યો છે. તે લોકસભામાં રાહુલ ગાંધી વિરુદ્ધ મૂકવામાં આવ્યો છે કારણ કે તેમણે અમિત શાહના ભાષણની 12 સેકન્ડની ક્લિપ દ્વારા જૂઠાણું ફેલાવ્યું હતું. રાજ્યમાં સભામાં પણ આ જ કારણસર મલ્લિકાર્જુન ખડગે વિરુદ્ધ નોટિસ મોકલવામાં આવી હતી…”
