- સબ ઇન્સ્પેક્ટરે કેસ પતાવવા માગી 5 કિલો બટાકાની લાંચ
- ખેડૂતે પહેલા આર્થિક તંગીનો હવાલો આપી અસર્મથતા દર્શાવી
- 5ના બદલે 2 કિલો બટાકા આપવાની ખેડૂતે તૈયારી દર્શાવી
ઉત્તરપ્રદેશના કન્નૌજમાં લાંચ લેવાનો એક અજીબ કિસ્સો સામે આવ્યો છે. અત્યાર સુધી તમે લાંચ તરીકે રૂપિયાની માંગણી વિશે સાંભળ્યું હશે. પરંતુ હવે લાંચ તરીકે બટાકાની માંગણી કરવામાં આવી રહી છે. સોરીખ પોલીસ સ્ટેશન વિસ્તારના ચોકીના ઈન્ચાર્જ લાંચ તરીકે 5 કિલો બટાકાની માંગ કરી રહ્યા હતા. ચોકીના ઈન્ચાર્જ રામકૃપાલ કોઈને ફોન કરીને લાંચ તરીકે પાંચ કિલો બટાકાની માંગ કરી રહ્યા હતા. જે વાતચીતનો ઓડિયો વાયરલ થતાં SPએ ચોકીના ઈન્ચાર્જને સસ્પેન્ડ કરી દીધા છે.
ઓડિયો ક્લિપ વાયરલ થઈ
સોરીખ પોલીસ સ્ટેશન વિસ્તારની ચપુન્ના-ભાવલપુર પોલીસ ચોકીના ઈન્ચાર્જ SI રામકૃપાલની ઓડિયો ક્લિપ વાયરલ થઈ રહી છે. જેમાં તે કોઈની સાથે વાત કરીને પાંચ કિલો બટાકાની માંગ કરી રહ્યો છે. ફરિયાદી ગરીબ હતો અને તેણે કહ્યું કે, સાહેબ 2 કિલો બટાકા રાખો, આના પર ચોકીના ઇન્ચાર્જે નારાજગી દર્શાવી, ત્યારબાદ ત્રણ કિલો બટાકા આપવાની માંગણી કરવામાં આવી. જેમાં ફરિયાદી સહમત થાય છે.
જણાવી દઈએ કે બાદમાં ફરિયાદી માત્ર બે કિલો બટાકા આપવા માટે રાજી થઈ ગયો હતો. તેના પર પોસ્ટ ઇન્ચાર્જ કેટલાક કામને ટાંકીને સાંભળવા મળે છે. વાયરલ ઓડિયો અંગે SP અમિત કુમાર આનંદે જણાવ્યું કે, છિબરમાઉ સીઓ દ્વારા મળેલા તપાસ રિપોર્ટના આધારે ચોકીના ઈન્ચાર્જ રામકૃપાલને તાત્કાલિક અસરથી સસ્પેન્ડ કરવામાં આવ્યા છે.
આ બાબત CO સિટીને સોંપવામાં આવી છે. તપાસ રિપોર્ટના આધારે આગળની ખાતાકીય કાર્યવાહી કરવામાં આવનાર છે. જો કે, પાંચ કિલો બટાકાની માંગણી કર્યા પછી કંઈ સમજાતું નહોતું, શું એવું બની શકે કે બટાકાના નામે પૈસા માંગવાના કોળી કોડનો ઉપયોગ ન થઈ રહ્યો હોય. SPનું કહેવું છે કે આ બાબત તપાસ બાદ જ બહાર આવશે.
સોશિયલ મીડિયામાં ઓડિયોની રમૂજ થઈ
આ સમાચાર સામે આવતા જ મીડિયામાં અનેક પ્રકારની કોમેન્ટસ આવવા લાગી હતી. કોઈ કહે છે કે પોલીસ કર્મચારીની સેલેરી વધારો. એવો કેવો પગાર છે કે લાંચમાં બટાકા લેવા પડી રહ્યા છે. તો કોઈ શાકભાજીના ભાવ આસમાને હોવાથી કહે છે કે અત્યારે બટાકા તો ખરેખર સોના જેવા છે. વળી એક ફિલ્મી અંદાજમાં કહે છે ‘દરોગા-તુમ કયા જાનો 5 કિલો આલૂ કી કિમંત, નોકરી પર આંચ આવી છે’. એક લખે છે કે આ ખરેખર પોલીસ છે કે પછી ફુલિસ છે. બટાકાની પ્રતિષ્ઠા વધી ગઈ. વળી એક સરકાર પર નિશાન સાધતા લખે છે કે શું ખરેખર યુપી સરકાર પોલીસને પગાર નથી આપતી. કે પ્રત્યેક પોલીસ સ્ટેશનની પોલીસ કોઈને કોઈ બહાને લાંચ લેતી રહે છે. એક સંતોષી માણસ લખે છે કે ખરેખર આ પોલીસ હવાલદાર બિચારો સંતોષી હશે કારણ કે તેણે પૈસા માંગવાના બદલે ફક્ત બટાકાની લાંચ લઈ સંતોષ માન્યો છે. અને ખરેખર તો પોલીસે પાંચ કિલો બટાકા માંગ્યા હતા તેની સામે અરજદારે શાકભાજીવાળાની જેમ ભાવતાલ કરી અંતે 2 કિલો બટાકા આપવા પર સહમતિ થઈ હતી.
Source link
