સલમાન ખાન દ્વારા હોસ્ટ કરાયેલા રિયાલિટી શો ‘બિગ બોસ 18’નો સૌથી રાહ જોવાતો ગ્રાન્ડ ફિનાલે આજે છે. અચાનક આવતા ટર્ન અને ટ્વિસ્ટેડ એલિમિનેશન અને કઠિન સ્પર્ધા સાથે, આ સિઝનના ફિનાલેની ફેન્સ આતુરતાથી રાહ જોઈ રહ્યા છે.
તમને જણાવી દઈએ કે ગ્રાન્ડ ફિનાલે આજે કેટલા વાગ્યે અને ક્યાં અને કેવી રીતે જોઈ શકશો. આ સિવાય સલમાન ખાનના શોના ફાઈનાલિસ્ટ કોણ છે તે જાણો. આ સિવાય આ શોના વિનરને કેટલી પ્રાઈસ મની મળશે તે જાણો.
ફાઈનલ ક્યારે અને ક્યાં જોવું
‘બિગ બોસ 18’નો ગ્રાન્ડ ફિનાલે રવિવાર, 19 જાન્યુઆરી, 2025 ના રોજ યોજાઈ રહ્યો છે. ફેન્સ જિયો સિનેમા પર લાઈવ ટેલિકાસ્ટ જોઈ શકે છે, પરંતુ ફક્ત પ્રીમિયમ સબ્સ્ક્રિપ્શન સાથે જ જોઈ શકાશે. આ ઉપરાંત, તે કલર્સ ચેનલ પર રાત્રે 9.30 વાગ્યે પ્રસારિત થશે.
ફાઈનલિસ્ટ કોણ છે?
હાલમાં, શોના ટોપ 5 કન્ટેસ્ટેન્ટની પસંદગી હજુ બાકી છે, રમતમાં ઉતાર-ચઢાવ ચાલુ રહે છે. હાલમાં, જે સભ્યો હજુ પણ રેસમાં છે તેમાં અવિનાશ મિશ્રા, ઈશા સિંહ, ચુમ દારંગ, વિવિયન ડીસેના, કરણવીર મહેરા અને રજત દલાલનો સમાવેશ થાય છે. શિલ્પા શિરોડકરના એલિમિનેશન પછી, બિગ બોસે જાહેરાત કરી હતી કે, ‘બિગ બોસ 18 માં જવાના સભ્યોમાં દિલ્હીનો કરણ, ઉજ્જૈનનો વિવિયન, ભોપાલનો ઈશા, ફરીદાબાદનો રજત, રાયપુરનો અવિનાશ અને પાસીઘાટની ચૂમનો સમાવેશ થાય છે.’
વિનરને મળશે મોટી ઈનામી રકમ
વિનરની ઈનામી રકમ વિશે ઘણી અટકળો ચાલી રહી છે, જે ગઈ સીઝનની જેમ 50 લાખ રૂપિયા હોવાની અપેક્ષા છે. ‘બિગ બોસ 17’ માં, કોમેડિયન મુનાવર ફારૂકીએ ટ્રોફી અને 50 લાખ રૂપિયાની ઈનામી રકમ જીતી.
