વર્લ્ડ ચેસ ચેમ્પિયનશિપમાં ભારતના ડી ગુકેશે ઈતિહાસ રચ્યો છે. યુવા ચેસ ખેલાડી ડી ગુકેશ વર્લ્ડ ચેમ્પિયન બન્યો છે. ચીનના ડીંગ લિરેનને હરાવીને ગુકેશ ડીએ ટાઈટલ જીત્યું હતું. તેને 14મી અને અંતિમ ગેમમાં ચીનના ડીંગ લિરેનને હરાવીને આ ખિતાબ જીત્યો હતો. વિશ્વનાથન આનંદ પછી આ ખિતાબ જીતનાર તે બીજો ભારતીય છે. તેને છેલ્લી વખત 2013માં આ ખિતાબ જીત્યો હતો.
ચેન્નાઈમાં થયો હતો જન્મ
ગુકેશ દોમ્મારાજુનો જન્મ તમિલનાડુના ચેન્નાઈમાં 29 મે 2006ના રોજ થયો હતો. તે ગ્રાન્ડમાસ્ટરનો ખિતાબ જીતનાર ત્રીજો સૌથી યુવા ખેલાડી છે. તેમના પિતાનું નામ રજનીકાંત છે. તે સર્જન છે. તેની માતાનું નામ પદ્મા છે. તે માઈક્રોબાયોલોજીસ્ટ છે. તેને સાત વર્ષની ઉંમરે ચેસ શીખી હતી. આ સિવાય તે ચેન્નાઈમાં જ અભ્યાસ કરે છે.
આવી રહ્યું ગુકેશનું કરિયર
તેને 2015માં એશિયન સ્કૂલ ચેસ ચેમ્પિયનશિપ જીતી હતી. સીકે સિવાય તેને અંડર-12માં 2018માં વર્લ્ડ યુથ ચેસ ચેમ્પિયનશિપ જીતી હતી. તેને 2018 એશિયન યુથ ચેસ ચેમ્પિયનશિપમાં 5 ગોલ્ડ મેડલ જીત્યા હતા.
માર્ચ 2018 માં ફ્રાન્સમાં 34મી ઓપન ડી કેપેલ લા ગ્રાન્ડે ચેસ ટુર્નામેન્ટ સમાપ્ત કર્યા પછી તે આંતરરાષ્ટ્રીય ગ્રાન્ડમાસ્ટર બન્યો. તે માત્ર એક મહિનામાં સૌથી યુવા ગ્રાન્ડમાસ્ટર બનવાનું ચૂકી ગયો. 2019 સુધી તે વિશ્વનો સૌથી યુવા ગ્રાન્ડમાસ્ટર હતો. તે ભારતનો અત્યાર સુધીનો સૌથી યુવા ગ્રાન્ડમાસ્ટર છે.
ગુકેશનું દબાણ અને ડીંગ લિરેન કરી ભૂલ
આ ટાઈટલ મેચમાં ડીંગ ગુકેશ ચીનના ડીંગ લીરેનને કેટલો પછાડ્યો હતો તેનો અંદાજ એ વાત પરથી લગાવી શકાય છે કે એક સમયે આ મેચ ટાઈબ્રેક તરફ જતી હતી. પરંતુ તે મુશ્કેલ પરિસ્થિતિમાં પણ ડી ગુકેશે આત્મવિશ્વાસ બતાવ્યો અને તેના પ્રયત્નો ચાલુ રાખ્યા.
પરિણામ એ આવ્યું કે ડીંગ લિરેન દબાણમાં આવીને મોટી ભૂલ કરી. ડી ગુકેશે તરત જ તેનો ફાયદો ઉઠાવ્યો. આ માઈન્ડ ગેમમાં તેને ડીંગ લિરેનને હરાવ્યો અને મેચ અને તાજ બંને છીનવી લીધા. હવે ચેસ જગતને એક નવો અને સૌથી યુવા ચેમ્પિયન મળ્યો છે.
