ગુજરાતમાં વર્ષ 2024 દરમિયાન 10 જેટલા પોલીસ કોન્સ્ટેબલોએ આપઘાત કર્યા હોવાની માહિતી સામે આવી છે,ગુજરાતમાં અલગ-અલગ જિલ્લાઓમાં પોલીસે કરેલા આપઘાતની ઘટનાઓ બની છે,જેમાં સૌથી વધારે ઘટનાઓ અમદાવાદ શહેરમાં બની છે,વાંચો અમારો સ્પેશિયલ રીપોર્ટ.
16-01-2024ના રોજ અમદાવાદમાં મહિલા કોન્સ્ટેબલે કર્યો આપઘાત
અમદાવાદ શહેરના એરપોર્ટ પોલીસ સ્ટેશનમાં ફરજ બજવાતી મહિલા પોલીસકર્મી આરતીબેન આપઘાત કરતા પોલીસ બેડામાં ખળભળાટ મચ્યો હતો. Srp 2 કવાટર્સમાં ગળે ફાંસો ખાઈને આપઘાત કર્યો હતો. પ્રાથમિક માહિતી પ્રમાણે મહિલા પોલીસ કર્મીએ પારિવારિક ઝઘડામાં આપઘાત કર્યો હોવાનું પોલીસની તપાસમાં સામે આવ્યું હતુ. નરોડા પોલીસે અકસ્માતે મોત નોંધીને ઝીંણવટપૂર્વક તપાસ શરૂ કરી હતી.
29-02-2024ના રોજ અમદાવાદમાં મહિલા કોન્સ્ટેબલનો આપઘાત
અમદાવાદમાં 29 ફેબ્રુઆરીએ પાલડી પોલીસ સ્ટેશનમાં ફરજ બજાવતા મહિલા કોન્સ્ટેબલે ગળેફાંસો ખાઈ આપઘાત કર્યો હતો. જે અંગે તપાસ કરતા મહિલા કોન્સ્ટેબલે પ્રેમીના ત્રાસથી કંટાળીને આપઘાત કર્યો હોવાનું સામે આવ્યું હતું.તો પોલીસે તેના પ્રેમી સામે પણ દુષ્પ્રેરણાનો ગુનો નોંધ્યો હતો,તો બીજી તરફ પ્રેમીને પણ લાગી આવતા તેણે પણ આપઘાત કર્યો હોવાનું સામે આવ્યું હતું.
05-03-2024ના રોજ અમદાવાદમાં મહિલા કોન્સ્ટેબલે કર્યો આપઘાત
પાલડી પોલીસ સ્ટેશનમાં ફરજ બજાવતા મહિલા પોલીસકર્મીએ પોતાના ઘરે ગળેફાંસો ખાઇને આપઘાત કર્યો હતો. જેમાં પોલીસની તપાસ દરમિયાન ઘરેથી ચોપડામાંથી એક સ્યુસાઇડ નોટ મળી આવી હતી. જેમાં મહીલા પોલીસકર્મીએ મિત્રના ત્રાસથી કંટાળીને આપઘાત કર્યો હોવાનો ઉલ્લેખ કર્યો હતો. તેમજ આ યુવક તેણીને નોકરી છોડી દેવા માટે દબાણ કરતો હતો અને ઊંઘવા પણ દેતો ન હતો. એટલું જ નહીં આખી રાત વીડિયો કોલ ચાલુ રાખતો અને શંકા રાખતો હતો. જે અંગે વાસણા પોલીસે આપઘાત માટે દુષ્પ્રેરણાનો ગુનો દાખલ કરીને સમગ્ર મામલે વધુ તપાસ શરૂ કરી હતી.
18-03-2024ના રોજ સુરતમાં મહિલા કોન્સ્ટેબલનો આપઘાત
સુરતમાં એક મહિલા કોન્સ્ટેબલે આપઘાત કરતા પોલીસ દોડતી થઈ ગઈ હતી,મહિલા કોન્સ્ટેબલે કે જેઓ સિંગણપોર પોલીસ સ્ટેશનમાં નોકરી કરતા હતા અને અચાનક આપઘાત કરી લેતા પોલીસ પણ વિચારમાં પડી ગઈ હતી,ઘટનાની જાણ થતા ઉચ્ચ પોલીસ અધિકારીઓ ઘટના સ્થળે દોડી આવ્યાં હતા.તો પોલીસને મૃતક મહિલા પાસેથી સુસાઈડ નોટ મળી આવી હતી.
03-05-2024ના રોજ ભરૂચમાં પણ પોલીસકર્મીએ કર્યો આપઘાત
ભરૂચ પોલીસમાં કમાન્ડો તરીકે ફરજ બજાવતા કિરીટ વાળાએ પોતાના હથિયારની મદદથી ગોળીબાર કરી આપઘાત કરી લેતા પોલીસ બેડામાં ખળભળાટ મચી ગયો હતો,કેમ આપઘાત કર્યો તેને લઈ હજી કારણ અકબંધ છે,તો પોલીસના ઉચ્ચકક્ષાના અધિકારીઓએ ઘટના સ્થળે પહોંચી વધુ તપાસ હાથધરી હતી.ભરૂચ બી ડિવિઝન પોલીસે ગુનો નોંધ્યો હતો.
15-08-2024ના રોજ અમદાવાદમાં પોલીસકર્મીએ કર્યો આપઘાત
અમદાવાદ પોલીસ હેડકવાર્ટરમાં ફરજ બજાવતા પોલીસકર્મી જીતેન્દ્ર વાજાએ પોતાની સર્વિસ રિવોલ્વરથી ગોળી મારી આપઘાત કરતા પોલીસબેડામાં શોકનો માહોલ છવાયો હતો.સ્વાતંત્રતા પર્વના દિવસે અમદાવાદ શહેર પોલીસ કમિશનર જી.એસ.મલિક દ્રારા મૃતક પોલીસ કોન્સ્ટેબલને શ્રદ્ધાંજલિ પાઠવી હતી.
08-11-2024ના રોજ અરવલ્લીમાં મહિલા કોન્સ્ટેબલે કર્યો આપઘાત
અરવલ્લી પોલીસમાં ફરજ બજાવતા મહિલા કોન્સ્ટેબલે પોલીસ હેડ કવાર્ટરમાં ગળે ફાંસો ખાઈ આપઘાત કર્યો હતો જેને લઈ પોલીસ પણ દોડતી થઈ હતી,રીટાબેન નામની મહિલા કોન્સ્ટેબલે આપઘાત કર્યો હોવાની વાત સામે આવી હતી.આપઘાત પાછળનું કારણ અકબંધ છે.તો પોલીસને ઘટના સ્થળેથી કોઈ સ્યુસાઈડ નોટ મળી આવી નથી.
આત્મહત્યાના પ્રયાસો અટકાવવા માટેના પગલાં
01-માતા -પિતા, શિક્ષકો, શાળા તથા કોલેજના સંચાલકોમાં આત્મહત્યા અંગે જાણકારી આપીને બાળકો, યુવાનો માં થતી આત્મહત્યાના બનાવો ઘટાડી શકાય છે.
02-સમાજમાં વિવિધ સંસ્થાઓ, કલબો, આત્મહત્યા નિવારણ અંગેના કાર્યક્રમોનું આયોજન કરી સમાજમાં જાગૃતિ લાવી શકાય, માનસિક 03-બીમારીઓ અને મનોવૈજ્ઞાનિક સમસ્યા એ આત્મહત્યાના અગત્યના કારણો છે જે માટે યોગ્ય પ્રોફેશનલ સલાહકાર ની સલાહ અને સારવાર લેવી જરૂરી છે. તે કોઈપણ શરમ, સંકોચ કે ડર વગર લેવાવા જોઈએ. આ અભિગમ સમાજમાં પ્રવર્તે તે ખુબ જરૂરી છે,જેથી માનસિક બીમારીઓ અને તેની સારવાર અંગેની ગેરમાન્યતા અને ડર ઓછા થાય તેવા પગલાં લેવા જરૂરી છે.
03-સરકાર પણ આત્મહત્યા નિવારણ માટે ઘણા પગલાઓ લઇ શકે જેમ કે અમુક જોખમકારક દવાઓ, પદાર્થો પર પ્રતિબંધ મૂકી શકાય, અમુક દવાઓ ડોક્ટરના પ્રિસ્ક્રિપ્શન વગર ના જ મળે, જોખમી જગ્યાઓ પર સલામતિના પગલા લઇ શકાય. જેમકે, ઊંચા પુલ-મકાનો પર રેલીંગ લગાડવી. યોગ્ય કાયદાઓ દ્વારા હથિયારો પાર પ્રતિબંધ, આત્મહત્યા નિવારણ હેલ્પલાઇન ચાલુ કરી શકાય.
04-બાળકો-યુવાનોમાં થતી આત્મહત્યાના નિવારણના એક પગલા સ્વરૂપે આજની શિક્ષણ વ્યવસ્થા અને પરીક્ષા વ્યવસ્થામાં મોટા ફેરફારની જરૂરિયાત છે. સ્કૂલ, કોલેજના શિક્ષણની સાથે વ્યવસાયિક ટ્રેઇનિંગ આપવી જરૂરી છે.
Source link
