પેટની બીમારીઓ માટે ‘4C’ ફોર્મ્યુલા: આ 4 ટેસ્ટથી જાણી શકો ગંભીર રોગ

Stomach problems : ભારતમાં ખાવા-પીવાની આદતો અને જીવનશૈલી ઝડપથી બદલાઈ રહી છે, જેના કારણે પેટ અને પાચન સંબંધિત સમસ્યાઓ સામાન્ય બની ગઈ છે. ઘણી વખત આપણે પેટમાં દુખાવો કે ગેસને સામાન્ય માનીને અવગણીએ છીએ, પરંતુ આ કોઈ ગંભીર બીમારીના શરૂઆતના લક્ષણો હોઈ શકે છે. તાજેતરમાં એક ગેસ્ટ્રો એક્સપર્ટે ચાર એવા મહત્વપૂર્ણ ટેસ્ટ વિશે જણાવ્યું છે જે દરેકે કરાવા જોઈએ. જો આ ટેસ્ટની રિપોર્ટ સામાન્ય આવે તો તમે નિશ્ચિંત રહી શકો કે તમને પેટની કોઈ મોટી સમસ્યા નથી. ચાલો, આ મહત્વપૂર્ણ રિપોર્ટ્સ વિશે જાણીએ.

બીમારીઓને ઓળખવાનો ‘4C’ ફોર્મૂલા
મેડિકલ એક્સપર્ટ્સના કહેવા પ્રમાણે, પેટનું આરોગ્ય આપણા સમગ્ર શરીર સાથે સીધું જોડાયેલું છે. ઘણીવાર લોકો IBS જેવી સમસ્યાઓથી પીડાય છે, પરંતુ તેનું ચોક્કસ નિદાન કેવી રીતે કરવું તે તેમને ખબર નથી પડતી. નિષ્ણાતના જણાવ્યા અનુસાર, ભારતમાં રહેતા લોકો માટે ચાર ટેસ્ટ ખૂબ જ મહત્વપૂર્ણ છે. તેને તમે ‘4C’ ફોર્મૂલા કહી શકો છો. તેમાં CBC, CRP, કેલપ્રોટેક્ટિન અને સીલિયેક સેરોલોજીનો સમાવેશ થાય છે.

CBC અને CRP
CBC અને CRPસૌથી પહેલો ટેસ્ટ છે CBC એટલે કે કમ્પ્લીટ બ્લડ કાઉન્ટ. આ ટેસ્ટ શરીરમાં હિમોગ્લોબિન, ઈન્ફેક્શન અને અન્ય મહત્વપૂર્ણ ઘટકો વિશે માહિતી આપે છે. જ્યારે CRP ટેસ્ટ શરીરમાં ક્યાંય સોજો છે કે નહીં તે જણાવે છે. જો CRPનું સ્તર વધેલું હોય તો તે શરીરના અંદરના ભાગોમાં, ખાસ કરીને આંતરડામાં, કોઈ સમસ્યા હોવાનો સંકેત હોઈ શકે છે.

કેલપ્રોટેક્ટિન અને સીલિયેક સેરોલોજી
ત્રીજો ટેસ્ટ કેલ્પ્રોટેક્ટિન છે. આ એક સ્ટૂલ ટેસ્ટ છે જે આંતરડામાં બળતરાની હાજરીને સ્પષ્ટ કરવામાં મદદ કરે છે. જો તમને વારંવાર ઝાડા અથવા પેટમાં દુખાવો થવાની સમસ્યાનો અનુભવ થાય છે, તો આ ટેસ્ટ ખૂબ અસરકારક સાબિત થાય છે. ચોથો ટેસ્ટ સેલિયાક ડિસીઝ સેરોલોજી છે. ભારતમાં ઘઉંની એલર્જી (ગ્લુટેન એલર્જી) ના કેસ વધી રહ્યા છે. આ ટેસ્ટ દર્શાવે છે કે તમારું શરીર ગ્લુટેન પચાવવામાં સક્ષમ છે કે નહીં.