‘ધુરંધર 2’ પછી ફરી ચર્ચામાં અક્ષય ખન્ના, સની દેઓલ સાથે Netflix ફિલ્મ ‘ઇક્કા’ની થઈ જાહેરાત

બોલિવૂડના બે દમદાર કલાકારો સની દેઓલ અને અક્ષય ખન્ના ફરી એકવાર ચર્ચામાં આવી ગયા છે. ‘બોર્ડર 2’ અને ‘ધુરંધર’ જેવી ફિલ્મોથી થિયેટરોમાં ધૂમ મચાવ્યા બાદ હવે આ બંને સ્ટાર્સ એકસાથે Netflix ફિલ્મ ‘ઇક્કા’ માં જોવા મળશે.

સિદ્ધાર્થ પી. મલ્હોત્રાએ તેમની આગામી ફિલ્મ ‘ઇક્કા’ની સત્તાવાર જાહેરાત કરી છે, જેના ફર્સ્ટ લુકે સોશિયલ મીડિયા પર તોફાન મચાવી દીધું છે. ‘ધુરંધર 2: ધ રિવેન્જ’ના ફર્સ્ટ લુક બાદ થોડા જ દિવસોમાં આ ફિલ્મની જાહેરાત થવાથી ચાહકોમાં વધુ ઉત્સાહ જોવા મળી રહ્યો છે.

‘ઇક્કા’નો ફર્સ્ટ લુક વાયરલ

ફર્સ્ટ લુકમાં સની દેઓલ ફરી એકવાર તેના ક્લાસિક ‘દામિની’ સ્ટાઇલના વકીલ અવતારમાં જોવા મળે છે. જ્યારે અક્ષય ખન્ના ફિલ્મમાં એક આરોપીની ભૂમિકામાં દેખાશે. બંને વચ્ચેની કોર્ટરૂમ ટક્કર ફિલ્મનું મુખ્ય આકર્ષણ બનવાની પૂરી શક્યતા છે.

શાનદાર સ્ટારકાસ્ટ

ફિલ્મમાં સંજીદા શેખ, દિયા મિર્ઝા અને તિલોત્તમા શોમ જેવી શક્તિશાળી અભિનેત્રીઓ પણ મહત્વપૂર્ણ ભૂમિકામાં જોવા મળશે. ‘મહારાજ’ જેવી વખણાયેલી ફિલ્મના મેકર્સ આ પ્રોજેક્ટ સાથે જોડાયેલા હોવાથી દર્શકોની અપેક્ષાઓ વધુ ઊંચી થઈ ગઈ છે.

રિલીઝ ડેટ હજુ રહસ્ય

હાલ ફિલ્મની વાર્તા અને રિલીઝ તારીખ વિશે કોઈ સત્તાવાર માહિતી જાહેર કરવામાં આવી નથી. જોકે, સની દેઓલ અને અક્ષય ખન્નાને એકસાથે સ્ક્રીન પર જોવાનો ઉત્સાહ ચાહકોમાં પહેલેથી જ જોવા મળી રહ્યો છે.

ખાસ વાત એ છે કે ‘ધુરંધર 2’માં અક્ષય ખન્નાનું પાત્ર નથી, તેથી Netflixની ‘ઇક્કા’માં સની દેઓલ સાથે તેમનો આ કમબેક ચાહકો માટે એક ખાસ ટ્રીટ બનશે.