અંબાલાલ કાકાની આગાહી સાચી પડી, ગુજરાતના અનેક જિલ્લાઓમાં મોડી રાતથી વરસાદી ઝાપટાં

દિવાળી બાદ પણ ગુજરાતમાં વરસાદના વાદળો છવાયેલા છે. ગુજરાતના અનેક શહેરોમાં ગઈકાલ મોડી રાતથી વરસાદી ઝાપટાં શરૂ થયા છે. અમદાવાદ શહેરમાં કમોસમી વરસાદ સાથે ઠંડુ વાતાવરણ જોવા મળી રહ્યું છે.

અમરેલી અને બોટાદ જિલ્લામાં પણ ગઈકાલ રાતથી વરસાદ વરસી રહ્યો છે, જેના કારણે ખેડૂતો ચિંતિત બન્યા છે. વરસાદ અને ઠંડીના કારણે રોગચાળો ફેલાવાની આશંકા વ્યક્ત કરવામાં આવી રહી છે.

• ગુજરાતમાં વરસાદની આગાહી

આજે રાજ્યના મોટા ભાગના વિસ્તારોમાં ભારેથી અતિભારે વરસાદ થવાની શક્યતા હવામાન વિભાગે વ્યક્ત કરી છે. કચ્છ અને સૌરાષ્ટ્રના તમામ જિલ્લાઓ ઉપરાંત ઉત્તર ગુજરાત, ભરૂચ, સુરત, નવસારી, વલસાડ, અમદાવાદ, ખેડા અને ગાંધીનગર જિલ્લામાં વરસાદની ચેતવણી આપવામાં આવી છે.

સવારના 10 વાગ્યા સુધી ગીર સોમનાથ, અમરેલી, ભાવનગર અને બોટાદ જિલ્લામાં રેડ એલર્ટ જાહેર કરાયું છે. જ્યારે અમદાવાદ, જુનાગઢ, પોરબંદર, ખેડા, આણંદ, પંચમહાલ, દાહોદ, વડોદરા, સુરત, નવસારી, તાપી અને વલસાડમાં ઓરેન્જ એલર્ટ જાહેર કરવામાં આવ્યું છે.

• આવનાર દિવસોમાં વરસાદની શક્યતા

આવતીકાલે, એટલે કે 28 ઓક્ટોબરનાં રોજ, સૌરાષ્ટ્ર અને દક્ષિણ ગુજરાતના અનેક વિસ્તારોમાં ફરી ભારે વરસાદ પડવાની શક્યતા છે.