James Cameronની Avatar 3 નો ધમાકેદાર એન્ટ્રી: ભારત અને વિશ્વભરમાં રેકોર્ડ બોક્સ ઓફિસ કમાણીની આગાહી

Updated: 18-12-2025, 11.13 AM

Avatar: Fire and Ashes India Release: હોલીવુડની બ્લોકબસ્ટર સાયન્સ-ફિક્શન ફ્રેન્ચાઇઝ ‘અવતાર’ નો ત્રીજો ભાગ ‘અવતાર: ફાયર એન્ડ એશિઝ’ શુક્રવાર, 19 ડિસેમ્બરે ભારતમાં રિલીઝ થવા જઈ રહ્યો છે. જેમ્સ કેમેરોનની આ મેગા ફિલ્મને લઈને દુનિયાભરમાં ભારે ઉત્સાહ જોવા મળી રહ્યો છે. ભારતમાં શરૂ થયેલું બમ્પર એડવાન્સ બુકિંગ સ્પષ્ટ કરે છે કે ચાહકો ફિલ્મ માટે આતુર છે.

ફિલ્મ એવી ઘડીએ રિલીઝ થઈ રહી છે જ્યારે રણવીર સિંહની એક્શન ફિલ્મ ‘ધુરંધર’ પહેલાથી જ બોક્સ ઓફિસ પર ધમાલ મચાવી ચૂકી છે. માત્ર 14 દિવસમાં ફિલ્મે ₹437.25 કરોડની ચોખ્ખી કમાણી કરી છે. છતાં, ટ્રેડ એક્સપર્ટ્સનું માનવું છે કે ‘અવતાર 3’ શરૂઆતના દિવસે જ ‘ધુરંધર’ને પાછળ છોડી શકે છે.

શરૂઆતની સમીક્ષાઓ શું કહે છે?

‘અવતાર: ફાયર એન્ડ એશિઝ’ પહેલેથી જ જર્મની, ફિલિપાઇન્સ સહિત અનેક દેશોમાં રિલીઝ થઈ ચૂકી છે. શરૂઆતની સમીક્ષાઓમાં ફિલ્મના વિઝ્યુઅલ્સ અને ટેકનિકલ એક્સપિરિયન્સની ભારે પ્રશંસા થઈ રહી છે. જોકે, કેટલાક દર્શકો વાર્તામાં ઊંડાણના અભાવ અને લાંબા રનટાઈમને લઈ નિરાશ દેખાયા છે. તેમ છતાં, બોક્સ ઓફિસ પર ફિલ્મ રેકોર્ડ બનાવે તેવી સંભાવના વ્યક્ત કરવામાં આવી રહી છે.

ભારતમાં એડવાન્સ બુકિંગનો આંકડો

‘અવતાર: ફાયર એન્ડ એશિઝ’ 2022માં આવેલી ‘અવતાર: ધ વે ઓફ વોટર’ ની સીધી સિક્વલ છે. જ્યાં અગાઉની ફિલ્મે ભારતમાં પહેલા દિવસે ₹40.30 કરોડ અને કુલ ₹391.40 કરોડ કમાયા હતા, ત્યાં અવતાર 3 એડવાન્સ બુકિંગમાં થોડું પાછળ હોવાનું માનવામાં આવે છે. છતાં, રિલીઝના 24 કલાક પહેલાં જ ફિલ્મે ભારતમાં લગભગ ₹12 કરોડનું એડવાન્સ બુકિંગ કરી લીધું છે.

પહેલા દિવસે કેટલી કમાણી થશે?

વેરાયટીના અહેવાલ મુજબ, ‘અવતાર 3’ યુએસમાં 3,800 થિયેટરોમાં $90–105 મિલિયનથી શરૂઆત કરશે. વૈશ્વિક સ્તરે ફિલ્મ પહેલા દિવસે $250–275 મિલિયન (₹2,400 કરોડ) અને શરૂઆતના સપ્તાહના અંતે $365 મિલિયન (₹3,300 કરોડ) થી વધુ કમાણી કરી શકે છે.

ભારતમાં ટ્રેડ એનાલિસ્ટ્સ અનુમાન લગાવી રહ્યા છે કે ફિલ્મ પહેલા દિવસે ₹30–35 કરોડ સુધીની કમાણી કરી શકે છે, જે ‘ધુરંધર’ની ઓપનિંગ કમાણી ₹28 કરોડથી વધુ છે.

IMAX અને મલ્ટિપ્લેક્સનો ફેક્ટર

ફિલ્મનો મોટો બિઝનેસ મેટ્રો શહેરોના મલ્ટિપ્લેક્સ અને IMAX સ્ક્રીન્સ પરથી આવવાનો છે. IMAX 3D અને 4DX શોઝની ટિકિટ કિંમત ₹950 થી ₹2,400 સુધી પહોંચી ગઈ છે અને ઘણા થિયેટરોમાં વીકએન્ડ માટે 70% થી વધુ ઓક્યુપન્સી નોંધાઈ છે. આ પરિબળ ‘ધુરંધર’ માટે ચોક્કસ ખતરાની ઘંટડી સમાન છે.