કંબોઈ ચાર રસ્તે અંડરપાસ મંજૂર: વાહનચાલકો અને રહેવાસીઓને રોજિંદી ટ્રાફિક સમસ્યાથી રાહત

Banaskantha News: કંબોઈ ચાર રસ્તા નજીક પાટણ-ભીલડી રેલ્વે લાઇન પર ટ્રાફિક વ્યવસ્થાને બગાડાથી બચાવવા રેલવે વિભાગે મહત્વપૂર્ણ પગલું ભર્યું છે. ટ્રાફિક વ્યવસ્થાને સુવ્યવસ્થિત બનાવવા માટે રેલવે વિભાગે વિકલ્પરૂપે દાંતીવાડા કેનાલ પર ડાયવર્ઝન કામ શરુ કર્યું છે.

કંબોઈથી કસરા અને ધનેરા તરફ જતી સ્ટેટ હાઈવે પર ટ્રાફિકનું ભારોભાર દબાણ રહે છે. આ કારણે વારંવાર વાહનચાલકોને અવરોધોનો સામનો કરવો પડતો હતો. ડાયવર્ઝન કાર્ય પૂર્ણ થયા બાદ વાહનચાલકો માટે ટ્રાફિક સરળ અને સલામત બનશે, તેમજ મુખ્ય માર્ગ પર અવરોધ ઘટાડવામાં આવશે.

સ્થાનિક લોકો અને મુસાફરો માટે આ વ્યવસ્થાનો સીધો ફાયદો થશે, ખાસ કરીને શાળા, ઓફિસ અને વેપાર સાથે સંકળાયેલા વાહનચાલકો માટે. રેલવે વિભાગે જણાવ્યું છે કે કામ દરમિયાન સુરક્ષા અને વ્યવસ્થાને અનુલક્ષીને તમામ જરૂરી પગલાં લેવામાં આવ્યા છે, જેથી મુસાફરીમાં કોઈ અડચણ ન આવે.