Bihar political news : બિહારના શપથ સમારોહમાં નીતિશ કુમારે PM મોદીના પગ સ્પર્શી આશીર્વાદ લીધા

Nitish Kumar PM Modi : બિહારની રાજનીતિ માટે ગુરુવારનો દિવસ અત્યંત મહત્વપૂર્ણ સાબિત થયો. તાજેતરમાં યોજાયેલી વિધાનસભા ચૂંટણીમાં નેશનલ ડેમોક્રેટિક એલાયન્સ (NDA)ને મળેલી ભવ્ય જીત બાદ બિહારની રાજધાની પટના એ નવા રાજકીય પ્રકરણની સાક્ષી બની. ગાંધી મેદાન ખાતે યોજાયેલા શપથ ગ્રહણ સમારોહમાં નીતિશ કુમારે દસમી વાર મુખ્યમંત્રી તરીકે શપથ લઈને ઇતિહાસ રચ્યો. સાથે જ સમ્રાટ ચૌધરી અને વિજય કુમાર સિન્હાએ ઉપમુખ્યમંત્રી તરીકે શપથ લીધા, જે NDAની નવી શક્તિ અને સંકલનનું પ્રતીક બની રહ્યો.

• ગાંધી મેદાન બન્યું શક્તિ પ્રદર્શનનું કેન્દ્ર

શપથ ગ્રહણ સમારોહમાં સુરક્ષા અને વહીવટી તૈયારીઓ વિશેષ ધ્યાન ખેંચતી હતી. હજારો લોકોની હાજરીમાં સમારોહ દરમિયાન મંચ પર દેખાતા રાજકીય સંદેશાઓ વધુ જ વજનદાર હતા. ખાસ કરીને વડાપ્રધાન નરેન્દ્ર મોદીની ઉપસ્થિતિએ સમગ્ર કાર્યક્રમને રાષ્ટ્રીય સ્તરે મહત્વ આપ્યું. રાજ્યપાલ દ્વારા નીતિશ કુમારને પદ અને ગોપનીયતાની શપથ અપ થયા બાદ NDAના અન્ય મંત્રીઓ પણ એક પછી એક શપથ લેવામાં જોડાયા.

• બદલાતા સંબંધોની ઝાંખી આપી

મંચ પર નરેન્દ્ર મોદી અને નીતિશ કુમારને સાથે હસતાં અને ચર્ચા કરતાં જોવા મળ્યા, જે બિહારની નવી રાજકીય સમજણ અને દિલ્હી–પટનાના બદલાતા સંબંધોની ઝાંખી આપી રહ્યું હતું. રાજકીય વિશ્લેષકોનું માનવું છે કે આ દ્રશ્યો NDAની આંતરિક એકતા અને ભવિષ્યના સહકારનું સંકેત આપે છે.

वीडियो में हवाई अड्डे पर प्रधानमंत्री मोदी के पैर छूकर आशीर्वाद प्राप्त करते मुख्यमंत्री नीतीश कुमार! pic.twitter.com/U6wq9qs6iC

— Rashtriya Janata Dal (@RJDforIndia) November 20, 2025