Tata Motors Cars Price Down : ટાટા મોટર્સની કાર 1.45 લાખ સુધી થઈ સસ્તી

ટાટા મોટર્સે પેસેન્જર વાહનોની કિંમતમાં 1.45 લાખ રૂપિયા સુધીનો ઘટાડો કરવાની જાહેરાત કરી છે. આ ફેરફારો 22 સપ્ટેમ્બરથી અમલમાં આવશે. GST 2.0 રેજીમથી નાની કાર પરનો ટેક્સ ઘટાડીને 18% અને મોટી કાર પર ફ્લેટ 40% કરી દીધો છે.

કંપનીએ જણાવ્યું હતું કે GST 2.0 દ્વારા મળેલા કર સુધારાના સીધા લાભ ગ્રાહકો સુધી પહોંચાડવામાં આવશે. આનાથી માત્ર વાહનોના ભાવમાં ઘટાડો થશે નહીં પરંતુ ઓટોમોબાઈલ ક્ષેત્રમાં વેચાણમાં પણ વધારો થશે.

GST 2.0થી ઓટો સેક્ટરમાં રાહત 

નવા ટેક્સ માળખા હેઠળ ઓટો ક્ષેત્રને મોટી રાહત આપવામાં આવી છે. હવે જટિલ ટેક્સ માળખાને ફક્ત બે સ્લેબમાં બદલી નાખવામાં આવ્યું છે – 5% અને 18%. આ ઉપરાંત, વાહનો પરનો વધારાનો સેસ પણ દૂર કરવામાં આવ્યો છે, જેનાથી કર વ્યવસ્થા વધુ સરળ અને પારદર્શક બની છે.

નાના વાહનો પર મોટી રાહત 

નાના વાહનો, એટલે કે 1200 સીસી સુધીના પેટ્રોલ, cng અને lpg એન્જિનવાળી કાર અને 1500 cc સુધીના ડીઝલ એન્જિન પરનો ટેક્સ હવે ઘટાડીને 18% કરવામાં આવ્યો છે. અગાઉ, આ વાહનો પર વધારાના સેસ સાથે 28% જીએસટી વસૂલવામાં આવતો હતો. આની સીધી અસર એન્ટ્રી-લેવલ વાહનોના ભાવ પર પડશે.

SUV અને મોટા વાહનો પર પણ રાહત 

અત્યાર સુધી, મોટી કાર અને SUV પર ટેક્સનો બોજ 43% થી 50% ની વચ્ચે હતો, પરંતુ GST 2.0 લાગુ થયા બાદ હવે તેના પર ફ્લેટ 40% ટેક્સ લાગશે. આનાથી ગ્રાહકોને રાહત તો મળશે જ, પરંતુ કંપનીઓ માટે કિંમત નક્કી કરવાનું પણ સરળ બનશે.

કંપનીઓને વધુ વેચાણની આશા 

ઇન્ડસ્ટ્રી એક્સપર્ટ માને છે કે ભાવ ઘટાડા અને સરળ ટેક્સ માળખાના આ ડબલ ફાયદાથી આગામી મહિનાઓમાં ઓટોમોબાઈલ વેચાણમાં વધારો થશે. આ સાથે, NBFC અને બેંકો દ્વારા આપવામાં આવતી ઓટો લોન પણ વધુ આકર્ષક બની શકે છે, જે ખાસ કરીને અર્ધ-શહેરી અને ગ્રામીણ વિસ્તારોમાં વાહન ખરીદીમાં વધારો કરશે.