iPhone 17 in India: ટ્રમ્પ Appleને ભારતથી દૂર ન કરી શક્યા, ટેરિફની ધમકી પણ બિનઅસરકારક, કંપની ભારતમાં iPhone 17 ના બધા મોડેલ બનાવશે

ટ્રમ્પે ભારત સામે અત્યાર સુધીનો સૌથી વધુ ટેરિફ લાદ્યો છે. તેમણે Appleને ચેતવણી પણ આપી હતી કે જો તે ભારતમાં iPhoneનું પ્રોડક્શન કરશે તો તેણે વધુ ડ્યુટી ચૂકવવી પડશે. આમ છતાં, Apple આવતા મહિનાથી ભારતમાં iPhone 17, iPhone 17 pro, iPhone 17 pro max અને iPhone 17 airનું પ્રોડક્શન શરૂ કરશે.

Apple ચીન પરની તેની નિર્ભરતા ઘટાડી રહ્યું છે

Apple છેલ્લા કેટલાક વર્ષોથી ચીનની બહાર પ્રોડક્શન ખસેડી રહ્યું છે. કોવિડ-19 દરમિયાન મહિનાઓ સુધી ફેક્ટરીઓ બંધ રહેવાને કારણે સપ્લાય ચેઇન પર ખરાબ અસર પડી હતી. આ જ કારણ છે કે કંપનીએ પ્રોડક્શન કેન્દ્રોમાં વૈવિધ્યકરણની વ્યૂહરચના અપનાવી હતી.

ભારતમાંથી iPhoneની એક્સપોર્ટમાં વધારો

એક અહેવાલ મુજબ, એપ્રિલ અને જુલાઈ 2025 વચ્ચે ભારતમાંથી $7.5 બિલિયનના મૂલ્યના iPhone એક્સપોર્ટ કરવામાં આવ્યાં છે, જ્યારે પાછલા સમગ્ર નાણાકીય વર્ષમાં આ આંકડો $17 બિલિયન હતો. અહેવાલ મુજબ, આગામી બે વર્ષમાં ભારતમાં બનેલા લગભગ અડધા iPhone ટાટા ગ્રુપની ફેક્ટરીઓમાં બનાવવામાં આવશે.