Banaskantha: ડીસાના છત્રાલા ગામની સીમમાં બનાસ નદી કિનારે ટેકરી પરથી અજાણ્યા યુવકની લાશ મળી આવતા ચકચાર મચી

ડીસા તાલુકાના છત્રાલા ગામની સીમમાં બનાસ નદીના કિનારે આવેલી ટેકરી પર એક અજાણ્યા યુવકની લાશ મળી આવતા વિસ્તારમાં ચકચાર મચી ગઇ છે. સવારના સમયે ટેકરી તરફ જતા કેટલાક ગ્રામજનોને શંકાસ્પદ રીતે યુવાનનું મૃતદેહ પડેલું દેખાતા તેમણે તરત ભીલડી પોલીસને જાણ કરી હતી.

પોલીસ તાત્કાલિક સ્થળ પર દોડી આવી હતી અને પ્રાથમિક તપાસ શરૂ કરી હતી. લાશ પાસે કોઈ ઓળખપત્ર, મોબાઇલ કે અન્ય કોઈ વસ્તુ ન મળી આવતા મૃતકની ઓળખ હજી સુધી સ્પષ્ટ થઈ શકી નથી. યુવાનની ઉંમર અંદાજે 25 થી 30 વર્ષની વચ્ચે હોવાનું પોલીસ સૂત્રો દ્વારા જાણવા મળ્યું છે.

મૃતદેહની સ્થિતિને ધ્યાને લેતા મોતને લઈને શંકાસ્પદ પરિસ્થિતિ ઊભી થઈ છે. પોલીસે સ્થળનો કબજો લઇ પાનchnama કર્યો હતો અને વધુ તપાસ માટે મૃતદેહને પોસ્ટમોર્ટમ માટે ખસેડવામાં આવ્યો છે. આસપાસના ગામોમાંથી કોઈ ગુમ થયેલ વ્યક્તિ અંગે માહિતી મળે છે કે નહીં તે દિશામાં પણ તપાસ હાથ ધરાઈ છે.