Dhamaal 4 Release Date: અજય દેવગનની ‘ધમાલ 4’ પોસ્ટપોન, હવે આ તારીખે થશે રિલીઝ

Dhamaal 4 Release Date: અજય દેવગન છેલ્લે ‘દે દે પ્યાર દે 2’ માં જોવા મળ્યો હતો, જે બોક્સ ઓફિસ પર સારૂ પ્રદર્શન કરવામાં નિષ્ફળ ગઈ હતી. આ પછી, અભિનેતા તેની બે આગામી ફિલ્મો, ‘દ્રશ્યમ 3’ અને ‘ધમાલ 4’ માટે ચર્ચામાં છે. અજય દેવગનની ‘દ્રશ્યમ 3’ આ વર્ષે 2 ઓક્ટોબરે રિલીઝ થવાની છે. જ્યારે, અભિનેતાની ‘ધમાલ 4’ 19 માર્ચે રિલીઝ થવાની હતી. પરંતુ રણવીર સિંહની ફિલ્મને કારણે, હવે તેની રિલીઝ તારીખ બદલી દેવામાં આવી છે. એવું કહેવામાં આવી રહ્યું હતું કે, ‘ધુરંધર 2’ અને ‘ટોક્સિક’ સાથે ક્લેશ ટાળવા માટે ‘ધમાલ 4’ ની રિલીઝ પોસ્ટપોન કરવામાં આવી છે.

‘ધુરંધર 2’ અને ‘ટોક્સિક’ સાથે ક્લેશ ટાળવા માટે લીધો નિર્ણય

અજય દેવગણ , રિતેશ દેશમુખ, અરશદ વારસી અને જાવેદ જાફરી અભિનીત ‘ધમાલ 4’ મૂળ રીતે 2026ની ઈદ પર રિલીઝ થવાની હતી. જોકે, થોડા દિવસો પહેલા, અહેવાલોમાં દાવો કરવામાં આવ્યો હતો કે નિર્માતાઓએ ફિલ્મ પોસ્ટપોન કરવાનો નિર્ણય લીધો છે. ઘણા અહેવાલોમાં જણાવાયું છે કે બે સૌથી મોટી આગામી ફિલ્મો, રણવીર સિંહની ‘ધુરંધર 2’ અને યશની ‘ટોક્સિક’ સાથે ક્લેશ ટાળવા માટે આ નિર્ણય લેવામાં આવ્યો છે.

ક્યારે રિલીઝ થશે ‘ધમાલ 4’?

‘ધમાલ 4’ ના નિર્માતાઓએ સત્તાવાર રીતે પુષ્ટિ આપી છે કે ફિલ્મ પોસ્ટપોન કરવામાં આવી છે. શનિવારે, નિર્માતાઓએ જાહેરાત કરી હતી કે આ કોમેડી ફિલ્મ હવે 12 જૂન, 2026ના રોજ સિનેમાઘરોમાં રિલીઝ થશે, જેનાથી ‘ધુરંધર 2’ અને ‘ટોક્સિક’ સાથે ટક્કર ટાળી શકાશે. ટી-સીરીઝના સત્તાવાર ઇન્સ્ટાગ્રામ હેન્ડલે એક પોસ્ટર શેર કર્યું જેમાં લખ્યું હતું, ‘ધમાલ ટાઇમ્સ. બ્રેકિંગ ન્યૂઝ. ‘ધમાલ 4’ 12 જૂન, 2026 ના રોજ સિનેમાઘરોમાં. હવે જ્યારે આપણે ‘ધમાલ’ કહ્યું છે, તો આપણે તે કરવું પડશે.

‘ધમાલ 4’ ની સ્ટાર કાસ્ટ

આ ફિલ્મમાં અજય દેવગણ, રિતેશ દેશમુખ, અરશદ વારસી, સંજય મિશ્રા અને જાવેદ જાફરી ઉપરાંત એશા ગુપ્તા, સંજીદા શેખ, અંજલી આનંદ, ઉપેન્દ્ર લિમયે, વિજય પાટકર અને રવિ કિશન પણ મુખ્ય ભૂમિકામાં છે. સપ્ટેમ્બર 2025માં, અ જય દેવગણે જાહેરાત કરી કે તેણે ફિલ્મનું શૂટિંગ પૂર્ણ કરી લીધું છે. ‘ધમાલ 4’ નું દિગ્દર્શન ઇન્દ્ર કુમાર દ્વારા કરવામાં આવ્યું છે અને તેનું નિર્માણ અજય દેવગણ, ભૂષણ કુમાર, કૃષ્ણ કુમાર, અશોક ઠાકેરિયા, ઇન્દ્ર કુમાર, આનંદ પંડિત અને કુમાર મંગત પાઠક દ્વારા કરવામાં આવ્યું છે. આ ફિલ્મ 12 જૂન, 2026ના રોજ સિનેમાઘરોમાં રિલીઝ થશે.