Girija Oak Viral Video: ગિરિજા ઓકનો ખુલાસો: અચાનક પ્રસિદ્ધિ પછી મળ્યા અશ્લીલ મેસેજ, અભિનેત્રીની વ્યથા જાહેર

Bollywood News : અભિનેત્રી ગિરિજા ઓક છેલ્લા બે દાયકાથી મરાઠી અને હિન્દી એન્ટરટેઇનમેન્ટ ઇન્ડસ્ટ્રીનો ભાગ છે, પરંતુ એક વાયરલ વીડિયોએ overnight તેમને “નેશનલ ક્રશ” બનાવી દીધી. સોશિયલ મીડિયા પર તેમના બોલ્ડ ફોટા અને લુક્સ ચર્ચાનો વિષય બન્યા બાદ લોકો તેમને “ઈન્ડિયાની સિડની સ્વીની” કહેવા લાગ્યા.

જોકે આ અચાનક આવેલી લોકપ્રિયતાની પાછળ એક કાળો ચહેરો પણ છે, જેનો ખુલાસો ગિરિજાએ એક ઇન્ટરવ્યુમાં કર્યો.

ગિરિજાના જણાવ્યા મુજબ, પ્રસિદ્ધિ સાથે સોશિયલ મીડિયા પર અશ્લીલ મેસેજનો વરસાદ શરૂ થયો છે. અભિનેત્રીએ કહ્યું:

“કોઈએ મારો રેટ પૂછ્યો. કોઈએ લખ્યું— ‘એક કલાક બેસવાની કિંમત શું છે?’ આવા ઘણા મેસેજ મળે છે. જો આ લોકો મને વાસ્તવિક જીવનમાં જોયા હોત તો આંખમાં પણ જોયા ન હોત.”

તેમણે ઉમેર્યું કે સામેથી દરેક વ્યક્તિ ખૂબ આદરથી વાત કરે છે, પરંતુ ઓનલાઈન વર્તન બિલકુલ અલગ હોય છે. “આ વર્ચ્યુઅલ દુનિયા કેટલી ગંભીરતાથી લેવી જોઈએ તે ચર્ચાનો વિષય છે,” ગિરિજાએ કહ્યું.

કેરિયર અંગે વાત કરીએ તો ગિરિજાએ કિશોરાવસ્થામાં જ મરાઠી ફિલ્મોમાં અભિનય શરૂ કર્યો હતો. તે હિન્દી ફિલ્મોમાં પણ દેખાઈ ચૂકી છે, જેમ કે તારે જમીન પર અને શોર ઇન ધ સિટી. બાદમાં મરાઠી સિનેમામાં તે જાણીતી અભિનેત્રી બની.

તે લેડીઝ સ્પેશિયલ અને Modern Love: Mumbai જેવા લોકપ્રિય શોમાં જોવા મળી હતી. તાજેતરમાં તે મનોજ બાજપેયી સાથે Netflixની ફિલ્મ ઇન્સ્પેક્ટર ઝેન્ડેમાં જોવા મળી હતી અને હવે ટૂંક સમયમાં ગુલશન દેવૈયા સાથે તેમના નવા શો Perfect Familyમાં દેખાશે.