Gujarat Rain : ગુજરાતમાં ફરી વરસાદનું જોર વધશે, આગામી ત્રણ દિવસ માટે યલો એલર્ટ
ગુજરાતમાં છેલ્લા કેટલાક દિવસથી વરસાદે વિરામ લીધો છે, પરંતુ આ રાહત લાંબી ચાલશે નહીં. હવામાન વિભાગે રાજ્યના કેટલાક ભાગોમાં ફરીથી ભારે વરસાદની આગાહી કરી છે.
14 થી 16 સપ્ટેમ્બર દરમિયાન દક્ષિણ ગુજરાતમાં ભારે વરસાદનું યલો એલર્ટ જાહેર કરવામાં આવ્યું છે. હવામાન વિભાગ અનુસાર, ગુજરાતના તમામ જિલ્લામાં આવતા ચાર દિવસ સુધી હળવાથી મધ્યમ છૂટો છવાયેલો વરસાદ જોવા મળી શકે છે.
આગામી દિવસોમાં વરસાદની આગાહી
14 સપ્ટેમ્બર (શનિવાર): સુરત, ડાંગ, નવસારી, વલસાડ, તાપી, દમણ, અને દાદરા નગર હવેલીમાં ભારે વરસાદની શક્યતા છે. આ સિવાય, રાજ્યના અન્ય વિસ્તારોમાં હળવાથી મધ્યમ વરસાદ પડી શકે છે.
15 સપ્ટેમ્બર (રવિવાર): છોટા ઉદેપુર, નર્મદા, સુરત, ડાંગ, નવસારી, વલસાડ, તાપી, દમણ, અને દાદરા નગર હવેલીમાં ભારે વરસાદ થવાની સંભાવના છે.
16 સપ્ટેમ્બર (સોમવાર): નવસારી, વલસાડ, દમણ, અને દાદરા નગર હવેલીમાં ભારે વરસાદની આગાહી છે.
નાગરિકોને સાવચેત રહેવા વિનંતી
હવામાન વિભાગ અનુસાર, આગામી ચાર દિવસ સુધી ગુજરાતના તમામ જિલ્લાઓમાં હળવાથી મધ્યમ વરસાદની ઝડીઓ જોવા મળી શકે છે. પ્રશાસન અને નાગરિકોને સાવચેત રહેવા વિનંતી છે.
