Hardik Pandyaએ Rohit Sharmaને આપી ચેતવણી? Mumbai Indiansએ બે શબ્દોમાં અફવાઓનો કર્યો અંત

લીગની 19મી સીઝન આગામી 28 માર્ચથી શરૂ થવા જઈ રહી છે, જેના માટે તમામ ફ્રેન્ચાઈઝીએ કમર કસી લીધી છે. BCCIએ પ્રારંભિક મેચોનું શેડ્યૂલ પણ જાહેર કરી દીધું છે. જોકે, મેદાન પર મુકાબલા શરૂ થાય તે પહેલાં જ પાંચ વખતની ચેમ્પિયન મુંબઈ ઈન્ડિયન્સ (MI) ના કેમ્પને લઈને સોશિયલ મીડિયા પર એક વિવાદાસ્પદ અફવાએ જોર પકડ્યું હતું. દાવો કરવામાં આવ્યો હતો કે કેપ્ટન હાર્દિક પંડ્યાએ પૂર્વ કેપ્ટન રોહિત શર્માને પર્ફોર્મન્સ બાબતે ગંભીર ચેતવણી આપી છે. હવે, મુંબઈ ઈન્ડિયન્સે આ મામલે મૌન તોડીને સણસણતો જવાબ આપ્યો છે.

શું ફેલાવવામાં આવ્યું હતું જુઠ્ઠાણું?
સોશિયલ મીડિયા પર વાયરલ થયેલી એક પોસ્ટમાં એવો દાવો કરવામાં આવ્યો હતો કે કેપ્ટન હાર્દિક પંડ્યાએ ટીમ મેનેજમેન્ટ સામે કડક વલણ અપનાવ્યું છે. અફવા મુજબ, હાર્દિકે મેનેજમેન્ટને સ્પષ્ટ કરી દીધું છે કે જો આ સીઝનમાં રોહિત શર્મા રન બનાવવામાં નિષ્ફળ જશે, તો તે સહન કરવામાં આવશે નહીં. પોસ્ટમાં એવો પણ તર્ક આપવામાં આવ્યો હતો કે મેનેજમેન્ટ છેલ્લા 10-12 વર્ષથી રોહિતના આંકડાઓથી નારાજ છે, કારણ કે રોહિતનો સ્ટ્રાઈક રેટ અંદાજે 120 રહ્યો છે અને તે સીઝન દીઠ માત્ર 200-300 રન જ બનાવી રહ્યો છે. આ દાવાએ ફેન્સમાં ભારે રોષ અને ચર્ચા જગાડી હતી.

મુંબઈ ઈન્ડિયન્સનો ધારદાર વળતો પ્રહાર
જ્યારે આ ફેક ન્યૂઝ સોશિયલ મીડિયા પર વાયુવેગે ફેલાઈ, ત્યારે મુંબઈ ઈન્ડિયન્સ મેનેજમેન્ટે તેને અવગણવાને બદલે સત્તાવાર રીતે જવાબ આપવાનું નક્કી કર્યું. MI ના ઓફિશિયલ સોશિયલ મીડિયા હેન્ડલ પરથી માત્ર બે જ શબ્દોમાં આ અફવાને ફગાવી દેવામાં આવી: “કંઈપણ” (Kuch bhi). આટલું જ નહીં, ટીમે હાર્દિક પંડ્યાનો એક ફની GIF પણ શેર કર્યો, જેનાથી સ્પષ્ટ થઈ ગયું કે ટીમમાં કોઈ આંતરિક વિખવાદ નથી અને સોશિયલ મીડિયા પર કરવામાં આવેલા દાવા સંપૂર્ણપણે પાયાવિહોણા અને મનઘડંત છે.

રોહિત શર્માનું ફોર્મ અને આંકડા
જોકે રોહિત શર્માએ 2013 પછી કોઈ પણ IPL સીઝનમાં 500 રનનો આંકડો પાર કર્યો નથી, પરંતુ તે હંમેશા ટીમ માટે ‘ઈમ્પેક્ટ પ્લેયર’ રહ્યો છે. ગત સીઝનમાં પણ તેણે 15 મેચમાં 418 રન બનાવ્યા હતા. રોહિતની કેપ્ટનશીપ હેઠળ મુંબઈએ પાંચ ટાઈટલ જીત્યા છે, જે દર્શાવે છે કે તેનું મહત્વ માત્ર રન સુધી મર્યાદિત નથી. હાર્દિક પંડ્યાએ 2024માં સુકાન સંભાળ્યું ત્યારથી બંને વચ્ચેના સંબંધોને લઈને ઘણી અટકળો થતી રહી છે, પરંતુ ફ્રેન્ચાઈઝીએ હંમેશા એકતાનો સંદેશ આપ્યો છે.