IND vs NZ 5th T20I: તિરુવનંતપુરમમાં સિરીઝની છેલ્લી મેચ, ટીમ ઈન્ડિયાના પ્લેઈંગ 11માં મોટા ફેરફારની શક્યતા

Updated: 29-01-2026, 12.43 PM

ભારત અને ન્યૂઝીલેન્ડ વચ્ચેની પાંચમી અને છેલ્લી T20 આંતરરાષ્ટ્રીય મેચ તિરુવનંતપુરમમાં રમાશે. ચોથી T20Iમાં 50 રનથી હાર બાદ હવે ટીમ ઈન્ડિયા છેલ્લી મેચ માટે પ્લેઈંગ 11માં ફેરફાર કરી શકે છે.

ચોથી મેચમાં ન્યૂઝીલેન્ડે પહેલા બેટિંગ કરીને 20 ઓવરમાં 7 વિકેટે 215 રન બનાવ્યા હતા. મોટા લક્ષ્યનો પીછો કરતી વખતે ભારતીય બેટિંગ લાઇન-અપ સંપૂર્ણ રીતે નિષ્ફળ ગઈ અને ટીમ 165 રનમાં ઓલઆઉટ થઈ ગઈ. ટીમ તરફથી ફક્ત શિવમ દુબેએ 23 બોલમાં 65 રનની ધમાકેદાર ઇનિંગ રમી હતી, જ્યારે રિંકુ સિંહે 39 રનનું યોગદાન આપ્યું હતું.

આ હાર બાદ હવે સંજુ સેમસન પર સવાલ ઊભા થયા છે. સતત ચાર મેચમાં નિષ્ફળતા બાદ સંજુ સેમસનને પ્લેઈંગ 11માંથી બહાર બેસાડવામાં આવી શકે છે. તેમના સ્થાને ઈશાન કિશનની વાપસી શક્ય છે, જે ઈજાના કારણે છેલ્લી મેચમાં રમ્યો નહોતો.

બીજી તરફ, ઈજાના કારણે છેલ્લા ત્રણ T20 મેચથી બહાર રહેલો અક્ષર પટેલ સંપૂર્ણ રીતે ફિટ થયો છે. જો અક્ષરને ટીમમાં સામેલ કરવામાં આવે છે, તો હર્ષિત રાણાને બહાર બેસવું પડી શકે છે.

ટીમ ઈન્ડિયાએ આ સિરીઝમાં ચોથી મેચમાં પોતાની પહેલી હારનો સામનો કર્યો હતો. હવે છેલ્લી મેચમાં જીત મેળવીને સિરીઝનો અંત સકારાત્મક રીતે કરવા ટીમ પ્રયત્નશીલ રહેશે.

🔍 ટીમ ઈન્ડિયાની સંભવિત પ્લેઈંગ 11