IND vs SA T20: 2015 બાદ સાઉથ આફ્રિકા ભારતમાં સિરીઝ નથી જીતી, આજે બારાબાતીમાં પહેલી મેચ

ભારત અને સાઉથ આફ્રિકા વચ્ચે પાંચ મેચની ટી-20 સિરીઝનો પ્રથમ મુકાબલો આજે કટકના બારાબાતી સ્ટેડિયમમાં રમાશે. 2015માં સાઉથ આફ્રિકાએ ભારતમાં છેલ્લી ટી-20 સિરીઝ જીતી હતી. ત્યારથી પ્રોટીયાઝ ત્રણ વખત અહીં ટી-20 સિરીઝ રમવા આવ્યા, પરંતુ એક પણ સિરીઝ જીતવામાં સફળ રહ્યા નથી.

• સિરીઝ રેકોર્ડમાં ભારત આગળ

બંને ટીમો વચ્ચે અત્યાર સુધી 10 ટી-20 સિરીઝ રમાઈ છે. જેમાં

ભારત — 5,

સાઉથ આફ્રિકા — 2,

3 સિરીઝ ડ્રો રહી છે.

ઓવરઓલ T20 મુકાબલાઓમાં પણ ભારત આગળ છે. 31 પૈકી 18 જીત ભારતે અને 12 જીત સાઉથ આફ્રિકાએ મેળવી છે. 1 મેચ અનિર્ણિત રહી હતી.

• ભારતનો હોમ રેકોર્ડ

ભારતીય જમીન પર રમાયેલી 12 મેચમાં આફ્રિકા થોડું આગળ છે:

SA — 6 જીત

India — 5 જીત

1 નો રિઝલ્ટ નહીં

• ગિલ અને હાર્દિકની વાપસી

પ્રથમ ટી-20 સાંજે 7 વાગ્યે શરૂ થશે અને ટોસ 6:30 વાગ્યે થશે. ઈજા બાદ શુભમન ગિલ અને હાર્દિક પંડ્યા ટીમમાં વાપસી કરશે. ODI સિરીઝ 2-1થી જીતેલી ટીમ ઈન્ડિયા T20માં પણ સારો પ્રારંભ કરવા આતુર છે. બીજી તરફ સાઉથ આફ્રિકાએ ટેસ્ટ સિરીઝ 2-0થી જીતી હોવાથી તેમનો આત્મવિશ્વાસ પણ ઊંચો છે.

• અભિષેક શર્માનો ધમાકો

આ વર્ષે T20 ફોર્મેટમાં ભારત માટે સૌથી વધુ રન અભિષેક શર્માએ કર્યા છે.

17 મેચ

756 રન

સ્ટ્રાઈક રેટ 196+

1 સદી અને 5 ફિફ્ટી

તેઓ હાલ ભારતના ટોચના T20 બેટર છે.

• બંને ટીમની સંભવિત Playing XI

ભારત:

સૂર્યકુમાર યાદવ (કેપ્ટન), શુભમન ગિલ, અભિષેક શર્મા, તિલક વર્મા, હાર્દિક પંડ્યા, શિવમ દુબે, અક્ષર પટેલ, જીતેશ શર્મા (વિકેટકીપર), વરુણ ચક્રવર્તી, કુલદીપ યાદવ, જસપ્રીત બુમરાહ

સાઉથ આફ્રિકા:

એડન માર્કરમ (કેપ્ટન), ક્વિન્ટન ડીકોક (વિકેટકીપર), ડેવિડ મિલર, ટ્રિસ્ટન સ્ટબ્સ, ડેવાલ્ડ બ્રેવિસ, ડોનોવન ફરેરા, જ્યોર્જ લિન્ડે, માર્કો યાનસન, કોર્બિન બોશ, એનરિક નોર્ત્યા, ક્વેના મફાકા