ભારત બન્યું ચોથી વખત ચેમ્પિયન; Hockey ભારતીય ટીમ સાઉથ કોરિયાને 4-1થી હરાવ્યું

ભારતે ચોથી વખત હોકી એશિયા કપના ટાઇટલ પર કબજો કર્યો છે. આ જીત એટલા માટે પણ ખાસ છે કે ભારતે 5 વખતના ચેમ્પિયન સાઉથ કોરિયાને હાર આપીને આ ટાઇટલ હાંસલ કર્યું છે. અગાઉ 2017માં મલેશિયાને હરાવીને ભારતે હોકી એશિયા કપ જીત્યો હતો.

ભારતીય ટીમ સાઉથ કોરિયાને 4-1થી હરાવ્યું

આ ફાઇનલ મેચના પહેલા ક્વોર્ટરની પહેલી જ મિનિટમાં ભારતના સુખજીત સિંહે ગોલ ફટકાર્યો હતો. પહેલો ક્વોર્ટર ખતમ થયા બાદ ભારત 1-0થી આગળ હતું. ત્યાર બાદ બીજા ક્વોર્ટરમાં પણ ભારતે 1 ગોલ ફટકારી 2-0થી લીડ મેળવી હતી. આ દરમિયાન સાઉથ કોરિયાએ અટેકિંગ વ્યૂહનીતિ મુજબ રમવાનો પ્રયાસ કર્યો પરંતુ તેઓ ગોલ મારી શક્યા નહોતા.

કુલ ચાર વખત એશિયા કપ જીત્યું

ભારતે અત્યાર સુધીમાં 2003, 2007, 2017 અને હવે 2025 એમ કુલ ચાર વખત એશિયા કપનું ટાઇટલ પોતાના નામ કર્યું છે. આ ઉપરાંત ટીમ ઇન્ડિયા 1982, 1985, 1989, 1994 અને 2013 એમ કુલ 5 વખત રનર-અપ પણ રહી ચૂકી છે.