Indian Railways Fare Hike: આજથી ટ્રેન મુસાફરી મોંઘી, 215 કિમીથી વધુ અંતર માટે ટિકિટ ભાડામાં વધારો, જાણો નવી દર યાદી

Indian Railways Fare Hike: રેલ મંત્રાલય દ્વારા યાત્રી ભાડામાં કરાયેલ વધારો આજથી લાગુ થયો છે. 215 કિલોમીટરથી વધુ અંતરની મુસાફરી માટે સામાન્ય વર્ગમાં પ્રતિ કિલોમીટર એક પૈસા અને એક્સપ્રેસ ટ્રેનોના નોન-એસી તેમજ તમામ એસી વર્ગમાં પ્રતિ કિલોમીટર બે પૈસાનો વધારો કરવામાં આવ્યો છે.

મંત્રાલયે ગુરુવારે આ સંદર્ભે સત્તાવાર સૂચના જાહેર કરી હતી. આ વધારાનો અમલ 26 ડિસેમ્બર કે ત્યારબાદ બુક કરવામાં આવતી ટિકિટો પર થશે. 26 ડિસેમ્બર પહેલાં બુક કરાયેલી ટિકિટો પર નવા ભાડાનો અસર નહીં પડે.

ઉલ્લેખનીય છે કે આ વર્ષે રેલવે દ્વારા યાત્રી ભાડામાં બીજી વખત વધારો કરવામાં આવ્યો છે. આ પહેલાં જુલાઈ મહિનામાં પણ ભાડામાં વધારો થયો હતો.

સીઝન ટિકિટ અને ઉપનગર સેવાઓમાં કોઈ ફેરફાર નહીં

રેલ મંત્રાલયે સ્પષ્ટ કર્યું છે કે ઉપનગર ટ્રેનો અને સીઝન ટિકિટોના ભાડામાં કોઈ ફેરફાર કરવામાં આવ્યો નથી. બિન-ઉપનગર મુસાફરી માટે સામાન્ય સ્લીપર અને ફર્સ્ટ ક્લાસમાં પ્રતિ કિલોમીટર એક પૈસાનો મર્યાદિત વધારો કરવામાં આવ્યો છે.

એક્સપ્રેસ ટ્રેનો પર અસર

એક્સપ્રેસ ટ્રેનોમાં સ્લીપર, એસી ચેર કાર, એસી 3-ટિયર, એસી 2-ટિયર અને એસી ફર્સ્ટ ક્લાસના ભાડામાં પ્રતિ કિલોમીટર બે પૈસાનો વધારો થયો છે. જેના કારણે 500 કિલોમીટર સુધીની મુસાફરીમાં ટિકિટનો ભાવ અંદાજે 10 રૂપિયા વધશે.

મુખ્ય ટ્રેનોના ભાડામાં સુધારો

નવી સૂચના મુજબ રાજધાની, શતાબ્દી, વંદે ભારત, દુરંતો, તેજસ, ગરીબ રથ, જન શતાબ્દી, હમસફર, અમૃત ભારત અને નમો ભારત રેપિડ રેલ જેવી મુખ્ય ટ્રેનોના ભાડામાં પણ સુધારો કરવામાં આવ્યો છે.

નવા ભાડાનો સારાંશ:

0–251 કિમી: કોઈ વધારો નહીં

216–750 કિમી: ₹5

751–1250 કિમી: ₹10

1251–1750 કિમી: ₹15

1751–2250 કિમી: ₹20