Indigo Crisis: ફ્લાઇટ્સ રદથી દેશભરમાં મુસાફરો પરેશાન, સરકારે ઓપરેશનલ ઘટાડાના સંકેત આપ્યા

ભારતની સૌથી મોટી ખાનગી એરલાઈન ઇન્ડિગો છેલ્લા કેટલાક દિવસોથી ગંભીર સંચાલન સંકટમાંથી પસાર થઈ રહી છે. દૈનિક સૈંકડો ફ્લાઇટ્સ રદ થવાથી દેશના એરપોર્ટ્સ પર મુસાફરોને ભારે મુશ્કેલીનો સામનો કરવો પડી રહ્યો છે. ટર્મિનલ્સ પર લાંબી લાઈનો, ગુમ થયેલો સામાન અને કલાકો સુધી અટવાયેલા પ્રવાસીઓના વીડિયો સોશિયલ મીડિયામાં ટ્રેન્ડ બની ગયા છે.

સરકાર સખત મૂડમાં, ઓપરેશન્સમાં ઘટાડો શક્ય

કેન્દ્રીય નાગરિક ઉડ્ડયન મંત્રી રામ મોહન નાયડુએ સ્પષ્ટ કહ્યું છે કે ઇન્ડિગોની ફ્લાઇટ ઓપરેશન્સમાં ઘટાડો કરવો હવે અનિવાર્ય બન્યો છે. હાલમાં ઇન્ડિગો દૈનિક આશરે 2,200 ફ્લાઇટ્સ સંચાલિત કરે છે. વધતી ફરિયાદોને ધ્યાનમાં રાખીને મુસાફર સુરક્ષા પ્રાથમિકતા રાખવાની જરૂરિયાત ઊભી થઈ છે. કયા રૂટ અને કેટલો ઘટાડો થશે તેની જાહેરાત ટૂંક સમયમાં થશે.

7 દિવસમાં 745 કરોડનું રિફંડ

ફ્લાઇટ રદથી ઉભી થયેલી અવ્યવસ્થાને નિયંત્રિત કરવા સરકાર અને એરલાઈને ઝડપથી રિફંડ પ્રક્રિયા હાથ ધરી છે.

1 ડિસેમ્બરથી 8 ડિસેમ્બર:

7.3 લાખ ટિકિટો માટે કુલ 745 કરોડ રૂપિયા પરત અપાયા.

સામાન ગુમાવાની ફરિયાદોમાંથી 9 હજાર બેગમાંથી 6 હજાર મુસાફરોને પરત મળી ગયા છે, જ્યારે બાકીના બેગ શોધવાની પ્રક્રિયા ચાલુ છે.

DGCAની શો-કોઝ નોટિસ

સંકટ ગંભીર બનતા DGCAએ ઇન્ડિગોને શો-કોઝ નોટિસ જારી કરી છે.

ઇન્ડિગોએ પોતાના પ્રાથમિક જવાબમાં નીચેના કારણો દર્શાવ્યાં છે:

ટેકનિકલ ખામીઓ

શિયાળાના શેડ્યૂલ બદલાવ

ખરાબ હવામાન

એરપોર્ટ ભીડ

ક્રૂ વર્કિંગ અવર્સમાં તાજેતરના નિયમો

DGCA હવે આ જવાબની સમીક્ષા કરીને આગળની કાર્યવાહી નક્કી કરશે.

શેર બજારમાં મોટો આંચકો

ઇન્ડિગોના સંકટનો સીધો પ્રભાવ સ્ટોક માર્કેટ પર પણ જોવા મળ્યો છે.

છેલ્લા સાત દિવસમાં શેર 17% નીચે

માર્કેટ કેપમાં 4.3 અબજ ડોલરનો ઘટાડો

વિશ્લેષકો આને “ક્રેશ લેન્ડિંગ” ગણાવી રહ્યા છે. રોકાણકારોમાં અનિશ્ચિતતા વધી છે અને ઇન્ડિગોના ભવિષ્ય અંગે ચર્ચા તેજ बनी છે.

• ઉડ્ડયન ક્ષેત્ર પર વ્યાપક અસર

વિમાનન નિષ્ણાતો ચેતવણી આપે છે કે ઇન્ડિગો જેવા મોટા પ્લેયરમાં લાંબા સમય સુધી ઓપરેશનલ ગડબડ રહે, તો તેનું પ્રભાવ સમગ્ર ઉડ્ડયન ક્ષેત્ર પર પડે છે—ખાસ કરીને રજાઓના સમયમાં જ્યારે મુસાફરોની સંખ્યા વધી જાય છે.

કેન્દ્ર સરકાર અને DGCAના આવનારા પગલાંઓથી પરિસ્થિતિ કેટલી સુધરે છે તે હવે આગામી થોડા દિવસોમાં સ્પષ્ટ થશે.