IPL 2026: લખનૌ સુપર જાયન્ટ્સે તૈયારીમાં ગિયર અપ કર્યું, ભારતીય બોલરો જશે વિદેશી લીગમાં

IPL 2026ને હજુ ત્રણ મહિનાથી વધુ સમય બાકી છે, પરંતુ લખનૌ સુપર જાયન્ટ્સ (LSG) એ અત્યારથી જ પોતાની તૈયારીઓને વેગ આપ્યો છે. ફ્રેન્ચાઇઝીએ એક મહત્વપૂર્ણ નિર્ણય લીધો છે, જેના અંતર્ગત ટીમના કેટલાક ભારતીય ખેલાડીઓ વિદેશી T20 લીગમાં ભાગ લેશે. નોંધપાત્ર વાત એ છે કે આ માટે BCCIની મંજૂરી મળી ગઈ છે.

• LSGના ભારતીય બોલરો SA20 લીગમાં કરશે ટ્રેનિંગ

અહેવાલ મુજબ, લખનૌ સુપર જાયન્ટ્સ પોતાના સ્થાનિક ફાસ્ટ બોલરોને દક્ષિણ આફ્રિકા મોકલવાની યોજના બનાવી રહી છે. અહીં તેઓ ડર્બન સુપર જાયન્ટ્સ સાથે ટ્રેનિંગ કરશે, જે LSGની સહયોગી ટીમ છે અને SA20 લીગમાં ભાગ લે છે.

SA20 લીગ 26 ડિસેમ્બરથી શરૂ થવાની છે અને આ સમયગાળા દરમિયાન LSGના બોલરો પોતાની ગતિ, લાઇન-લેન્થ અને મેચ ફિટનેસ પર કામ કરશે.

પ્રારંભિક યાદીમાં

આવેશ ખાન

મોહસીન ખાન

નો સમાવેશ છે, જ્યારે નમન તિવારી પણ આ ગ્રુપમાં જોડાઈ શકે છે. આ ખેલાડીઓ આવતા અઠવાડિયામાં ડર્બન જવા રવાના થઈ શકે છે.

• BCCIના સેન્ટ્રલ કોન્ટ્રાક્ટ હેઠળ નથી ખેલાડીઓ

આ તમામ ખેલાડીઓ હાલમાં BCCIના સેન્ટ્રલ કોન્ટ્રાક્ટ હેઠળ નથી અને કોઈ રાજ્ય ટીમ માટે પણ રમી રહ્યા નથી. આ કારણે LSGએ નિયમો મુજબ BCCI પાસેથી વિશેષ મંજૂરી મેળવી છે.

ફ્રેન્ચાઇઝીનો મુખ્ય હેતુ એ ખેલાડીઓને મેચ ફિટનેસ અને આત્મવિશ્વાસ આપવાનો છે, જેઓ ઈજાના કારણે લાંબા સમયથી મેદાનથી દૂર રહ્યા છે.

• ઈજાથી પરેશાન રહેલા બોલરોને મળશે તક

મધ્યપ્રદેશના ફાસ્ટ બોલર આવેશ ખાન છેલ્લી IPL પછી કોઈ પણ સ્પર્ધાત્મક મેચ રમ્યા નથી.

ઉત્તરપ્રદેશના ફાસ્ટ બોલર મોહસીન ખાન તો તે IPL સિઝનમાં એક પણ મેચ રમ્યા નહોતા.

આ વિદેશી ટ્રેનિંગ કેમ્પ તેમના IPL 2026માં વાપસીને સરળ બનાવવામાં મહત્વપૂર્ણ સાબિત થઈ શકે છે.

• લખનૌ સુપર જાયન્ટ્સ: હાલની ટીમ સ્થિતિ

ખરીદેલા ખેલાડીઓ:

વાનિન્દુ હસરાંગા, એનરિક નોરખિયા, મુકુલ ચૌધરી, અક્ષત રઘુવંશી, નમન તિવારી, જોશ ઈંગ્લિસ

રિટેન ખેલાડીઓ:

રિષભ પંત, મિશેલ માર્શ, એડન માર્કરામ, મયંક યાદવ, અબ્દુલ સમદ, આયુષ બદોની, મેથ્યુ બ્રેટ્ઝકી, હિમ્મત સિંહ, નિકોલસ પૂરન, શાહબાઝ અહેમદ, અર્શિન કુલકર્ણી, આવેશ ખાન, મોહસીન ખાન, એમ સિદ્ધાર્થ, દીગ્વેશ રાઠી, પ્રિન્સ યાદવ, આકાશ સિંહ, મોહમ્મદ શમી, અર્જુન તેંડુલકર