IPL 2026 અપડેટ: ત્રણ ટીમોમાં થશે કેપ્ટન બદલાવ, ફેન્સમાં ચર્ચા ત્રણ વખતની ચેમ્પિયન ટીમના નામને લઈને

IPL 2026 માટે તૈયારીઓ શરૂ થઈ ગઈ છે. આગામી સિઝન માટે ઓક્સન ડિસેમ્બરમાં થશે. જોકે, તે પહેલાં, બધી ટીમોએ BCCIને તેમના રિટેન કરેલા ખેલાડીઓની યાદી સુપરત કરવી પડશે. ઘણી ટીમોમાં મોટા ફેરફારોની અપેક્ષા છે.

આગામી સિઝન પહેલા ત્રણ ટીમો તેમના કેપ્ટન પણ બદલી શકે છે. સંજુ સેમસનનું રાજસ્થાન રોયલ્સ છોડવાનું નક્કી છે અને તે IPLની 18મી સીઝનમાં ચેન્નાઈ સુપર કિંગ્સ તરફથી રમતા જોવા મળી શકે છે.

• રાજસ્થાન રોયલ્સ

ચેન્નાઈ સુપર કિંગ્સ અને રાજસ્થાન રોયલ્સ વચ્ચેનો કરાર લગભગ નક્કી થઈ ગયો છે. સંજુ સેમસન IPL 2026માં પીળી જર્સીમાં રમતા જોવા મળશે. સંજુના ગયા પછી, રાજસ્થાનને નવા કેપ્ટનની જરૂર પડશે.

એવા અહેવાલ છે કે ટીમ રવિન્દ્ર જાડેજાને કમાન સોંપી શકે છે. જાડેજા ઉપરાંત, રાજસ્થાન પાસે યશસ્વી જયસ્વાલના પણ એક સારો વિકલ્પ હશે.

• દિલ્હી કેપિટલ્સ

ગયા સિઝનમાં અક્ષર પટેલે દિલ્હી કેપિટલ્સનું નેતૃત્વ કર્યું હતું, પરંતુ તેમના નેતૃત્વ હેઠળ ટીમનું પ્રદર્શન નિરાશાજનક રહ્યું હતું. દિલ્હી પ્લેઓફમાં સ્થાન મેળવવામાં નિષ્ફળ ગયું. ટીમે સતત ચાર જીત સાથે ટુર્નામેન્ટની શરૂઆત કરી હતી,

પરંતુ તે પછી, દિલ્હીનું નસીબ પાટા પરથી ઉતરી ગયું. અક્ષર ખેલાડી તરીકે સફળ રહ્યો હતો, પરંતુ કેપ્ટન તરીકે તે વધુ પ્રભાવિત કરવામાં નિષ્ફળ ગયો. આ જ કારણ છે કે દિલ્હી આ સિઝનમાં કેએલ રાહુલ અથવા ફાફ ડુ પ્લેસિસને કેપ્ટન તરીકે નિયુક્ત કરવાનું વિચારી શકે છે.

• કોલકાતા નાઈટ રાઈડર્સ

શ્રેયસ ઐયરના ગયા બાદ, KKR એ IPL 2025 માટે અજિંક્ય રહાણેને કેપ્ટન તરીકે નિયુક્ત કર્યા. જોકે, રહાણેની કેપ્ટનશીપ ટીમને જીત અપાવવામાં ખરાબ રીતે નિષ્ફળ ગઈ. રહાણેના નેતૃત્વ હેઠળ, કોલકાતા નાઈટ રાઇડર્સે 14 માંથી ફક્ત પાંચ મેચ જીતી હતી, જ્યારે સાતમાં હારનો સામનો કરવો પડ્યો હતો.